Թուրքական համալսարանները չեն ընդգրկվել աշխարհի 500 լավագույն համալսարանների ցանկում

Գիտակրթական12:23, 31 Հոկտեմբեր 2017

Թուրքական համալսարանները չեն ընդգրկվել աշխարհի 500 լավագույն համալսարանների ցանկում

Միջին Արևելքի տեխնիկական համալսարանի Ինֆորմատիկայի ինստիտուտի կազմում գործող URAP հետազոտական լաբորատորիան հրապարակել է աշխարհի 2.500 լավագույն համալասրանների ցանկը:

Թուրքական «Timeturk.com» լրատվակայքի տեղեկացմամբ՝ ցանկում տեղ են գտել նաև 86 թուրքական համալսարաններ, սակայն դրանցից ոչ մեկը չի ներառվել լավագույն 500 համալսարանների ցուցակում:

2009թ. հիմնված «University Ranking by Academic Performance» (URAP) կենտրոնը աշխարհի համալսարանները դասակարգում է ըստ ակադեմիական տարբեր չափանիշների, ինչպիսիք են հոդվածների քանակը, մեկ դասախոսին բաժին ընկնող հոդվածների քանակը, գիտական հրատարակությունների ընդհանուր քանակը, մեկ դասախոսին բաժին ընկնող գիտական հրատարակությունների քանակը, յուրաքանչյուր տարի դոկտորի աստիճան ստացողների թիվը, ուսանողների թիվը, մեկ դասախոսին բաժին ընկնող ուսանողների թիվը:

Աշխարհի լավագույն համալսարանների ցանկում ամենաշատ տեղերը զբաղեցրել է Չինաստանը՝ ցուցակում ընդգրկված իր 376 համալսարաններով: Երկրորդ տեղում ԱՄՆ-ն է՝ 368 համալսարանով, իսկ երրորդ տեղում՝ Ճապոնիան՝ 152 համալսարանով:

Հավելենք նաև, որ 2016-2017թ. ժամանակահատվածի վերաբերյալ կազմված լավագույն համալսարանների ցանկում Թուրքիայից ներառվել էր 76 կրթօջախ: 2015-2016թթ. հրապարակված ցանկում Թուրքիայից լավագույն 500-յակում էին ընդգրկվել Ստամբուլի համալսարանը (487-րդ տեղ) և Միջին Արևելքի տեխնիկական համալսարանը (467-րդ տեղ): 2014-2015թթ. ցանկում Թուրքիան ուներ միանգամից 4 ներկայացուցիչ՝ Միջին Արևելքի տեխնիկական համալսարանը (433-րդ տեղ), Էգեյան համալսարանը (487-րդ տեղ), Ստամբուլի տեխնիկական համալսարանը (488-րդ տեղ), Ստամբուլի համալսարանը (489-րդ տեղ):

Աղբյուր` Ermenihaber.am

Այս ենթաբաժնի վերջին նորությունները

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։