Տնտեսական08:24, 31 Հոկտեմբեր 2017
Թուրքիայում ԱՄՆ-ին պատկանող B61 տեսակի 50 միջուկային ռումբ է տեղակայված
2017թ. դրությամբ աշխարհի 14 երկրներում գտնվող 107 կենտրոններում 15.000 միջուկային զենք է տեղակայված: Թուրքական «Milliyet» թերթի կայքի տեղեկացմամբ՝ այս մասին հայտնի է դարձել Թուրքիայի Ազգային մեծ ժողովի (ԹԱՄԺ- TBMM) հետազոտական ծառայությունների վարչության անցկացրած հետազոտության արդյունքում:
Նշյալ վարչությունը միջուկային զենքերի վերաբերյալ հատուկ զեկույց է հրապարակել, համաձայն որի նշված 15.000 զենքից շուրջ 9.400-ը ռազմական նպատակով օգտագործման համար ներառված են զինանոցներում, իսկ մնացածը սպասում են իրենց ոչնչացման հերթին: Զինանոցներում տեղ գտած միջուկային զենքերից 4.150-ը մարտական վիճակում են և ամեն պահ կարող են գործի դրվել, իսկ 1.800-ը՝ ամեն պահ կարող են բերվել մարտական վիճակի:
Համաշխարհային մաշստաբով միջուկային զենքի ամենամեծ պաշարները՝ շուրջ 93 տոկոսը, պատկանում են Ռուսաստանին և ԱՄՆ-ին: Բացի այս երկրներից՝ միջուկային զենք ունեն ևս 7 երկրներ՝ Անգլիան, Ֆրանսիան, Չինաստանը, Իսրայելը, Հնդկաստանը, Պակիստանը և Հյուսիսային Կորեան:
ԹԱՄԺ-ի զեկույցում արձանագրվել է նաև, որ միջուկային զենք կա տեղակայված նաև Թուրքիայի տարածքում: Թուրքիայում այդ զենքերը տեղակայվել են 1960-ականների սկզբին՝ 1950-ականների վերջին Վաշինգտոնի և Անկարայի միջև իրականացած բանակցությունների արդյունքում: Այդ զինատեսակների մի մասը, օրինակ՝ B61 տիպի ռումբերը, մինչև օրս պահպանվում են Թուրքիայի Ինջիրլիքի ռազմաբազայում: Ենթադրվում է, որ Թուրքիայում տեղակայվել է շուրջ 50 հատ B 61 տեսակի միջուկային ռումբ: Իսկ օրինակ Յուպիտեր տեսակի հրթիռները Թուրքիայում պահվել են միայն 1961-1963թթ.:
Ընդհանուր առմամբ, ՆԱՏՕ-ի անդամ 5 երկրներում՝ Բելգիայում, Գերմանիայում, Իտալիայում, Նիդերլանդներում և Թուրքիայում տեղակայված 6 ռազմաբազաներում ԱՄՆ-ին պատկանող 150 միջուկային զենք է պահվում:
Հրապարակաված տեղեկությունների համաձայն՝ Ռուսաստանն ունի 7000, ԱՄՆ-ը՝ 6.800, Ֆրանսիան՝ 300, Չիանաստանը՝ 260, Անգլիան՝ 215, Պակիստանը՝ 130, Հնդկաստանը՝ 120, Իսրայելը՝ 80, Հյուսիսային Կորեան՝ 10 միավոր միջուկային զենք:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |