F-35 ռազմական ինքնաթիռների առաջին 2 օրինակները Թուրքիան կստանա 2018թ.

Տնտեսական06:51, 31 Հոկտեմբեր 2017

F-35 ռազմական ինքնաթիռների առաջին 2 օրինակները Թուրքիան կստանա 2018թ.

2002թ.-ից սկսած 9 երկրի կողմից համատեղ արտադրվող F-35 ռազմական ինքնաթիռների առաջին երկու օրինակները թուրքական ռազմական արսենալը կհամալրեն 2018թ.: Այս մասին տեղեկացնում է թուրքական «Gazetevatan.com» լրատվակայքը: 2018թ. տարեսկզբին թուրք օդաչուները կմեկնեն ԱՄՆ՝ ուսումնամարզական թռիչքներ իրականացնելու համար:

Առաջին փուլում Թուրքիան պատվիրել է 20 ինքնաթիռ: Ընդհանուր առմամբ Թուրքիան նախատեսել է պատվիրել 100 F-35: Սակայն այդ պատվերները կտրվեն փուլային կարգով, քանի որ թողարկման նախնական փուլում ինքնաթիռները ավելի թանկ արժեն և առավելապես փորձնական, թեստային բնույթ ունեն:

F-35 ռազմական ինքնաթիռների պարբերական հանձնումը Թուրքիային կսկսվի 2019թ.-ից՝ յուրաքանչյուր անգամ չորսական օրինակով: F-35-ը նախորդ սերունդների համեմատ 4 անգամ ավելի հզոր է հակաօդային պայքարում: Ցամաքային ուժերի դեմ մղվելիք մարտերում ևս այս ինքնաթիռները 8 անգամ ավելի զորեղ են նախորդ սերնդի ռազմական ինքնաթիռներից:

Իսկ F-16 ռազմական ինքնաթիռները Թուրքիայում կշահագործվեն մինչև 2030թ.: Իսկ F-35-ների շահագործման մեկնարկից հետո շրջանառությունից կհանվեն նաև F-4 ինքնաթիռները:

Աղբյուր` Ermenihaber.am

Այս ենթաբաժնի վերջին նորությունները

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: