Թուրքիայի իր զինուժը մոտեցրել է Աֆրինին

Տարածաշրջան05:53, 26 Հոկտեմբեր 2017

Թուրքիայի իր զինուժը մոտեցրել է Աֆրինին

Հոկտեմբերի 13-ին Սիրիայի Իդլիբ քաղաք ներխուժած Թուրքիայի զինված ուժերի մի մասը շարժվել է դեպի Իդլիբ նահանգի Սիմոն շրջան, որի դիմաց գտնվում է քրդերի վերահսկողության տակ գտնվող Աֆրինը:

Ըստ թուրքական «Haberler»-ի՝ վերոնշյալ վայրից մի քանի կմ հեռավորության վրա են Սիրիայի քրդական ուժերը, որոնք տեղի դիրքերում հերթապահություն են իրականացնում:

Նշվում է, որ 80 թուրք զինվոր է տեղափոխվել Սիմոն, որտեղ թուրքական ուժերի կողմից հիմվել է պարեկապահակային կետ:

Թուրքական աղբյուրը, հղում անելով «Haberturk» լրատվամիջոցի թղթակից Մուրաթ Գուրգենի տրամադրած տեղեկատվությանը, նշում է, որ Թուրքիայի զորախումբն արդեն ավարտել է զինանձնակազմի և զինտեխնիկայի կուտակումը Հաթայ և Քիլիս նահանգներում: Դրանից հետո նշյալ նահանգներ էր մեկնել Թուրքիայի պաշտպանության նախարարը վերջին հրահանգները տալու համար:

Աղբյուրն ընդգծում է, որ այժմ թուրք զինվորները սպասում են Թուրքիայի նախագահ Ռեջեփ Թայիփ Էրդողանի հրամանին Աֆրին ներխուժելու համար: Ավելի վաղ Թուրքիայի նախագահը հաստատել էր մամուլում շրջանառվող այն լուրերը, որ Թուրքիայի նպատակը Էդլիբից հետո Աֆրինն է:

Հիշեցնենք, որ հոկտեմբերի 13-ի գիշերը Թուրքիայի զինուժը մտել էր Սիրիայի հյուսիսային Իդլիբ նահանգ: Աստանայում ձեռքբերված համաձայնությամբ՝ Իդլիբում «անվտանգության» գոտի էր սահմանվել: Որպես երաշխավոր երկրներ հանդես են գալիս Իրանը, Թուրքիան և Ռուսաստանը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։