Իրավական10:15, 26 Հոկտեմբեր 2017
ԱՄՆ-ն հակադեմպինգային հետաքննություն է սկսել Թուրքիայից ներմուծվող պողպատի վերաբերյալ
ԱՄՆ-ն հետաքննություն է սկսել՝ Թուրքիայից, Իտալիայից, Կորեայից, Հարավային Աֆրիկայից, Իսպանիայից, Ուկրաինայից և Անգլիայից իրական արժեքից ցածր գներով պողպատի ներմուծում իրականացնող արտադրողներին և ներմուծողներին բացահայտելու նպատակով։
Թուրքական «Doğan» լրատվական գործակալության տեղեկացմամբ՝ այս մասին հայտարարել է ԱՄՆ առևտրի նախարար Ուիլբուր Ռոսը։ «Առևտրի նախարարությունը կշարունակի պաշտպանել ամերիկացի գործարարներին՝ բոլորի համար առևտրի հավասար պայմաններ ապահովելու նպատակով», - նշել է նախարարը։ Նա հավելել է, որ Թրամփի կառավարության համար շուկայական արժեքից ցածր գներով իրականացվող առևտուրը (դեմպինգ) կարևոր խնդիր է։
Նշյալ 7 երկրների համար սահմանվել են հակադեմփինգային տուրքեր։ Մասնավորապես Թուրքիայի Հաբեշ ինստիտուտի համար սահմանվել է 2․8 տոկոս, Իչդաշ ընկերության համար՝ 8․01 տոկոս հակադեմփինգային տուրք։ Թուրքիայի մյուս բոլոր արտադրողների և արտահանողների համար սահմանվել է դեմփինգի կանխարգելմանն ուղղված 5․41 տոկոս տուրք։
Նշենք, որ Թուրքիան 2016թ․ 41․4 մլն դոլար ընդհանուր արժողությամբ պողպատ է արտահանել ԱՄՆ։
Թրամփի կառավարությունը հետևողական է առևտրի մասին օրենքի կիրառման հարցում։ ԱՄՆ առևտրի նախարարությունը նախորդ տարի հակադեմփինգային տուրքերի և լրացուցիչ մաքսատուրքերի վերաբերյալ 48 հետաքննություն է իրականացրել։ Այս տարի դրանց թիվն աճել է 52 տոկոսով հասնելով 73-ի։
ԱՄՆ առևտրի նախարարության տեղեկացմամբ՝ հետաքննությունների վերջնական արդյունքները կհրապարակվեն 2018թ․ հունվարի 9-ին։
Այս ենթաբաժնի վերջին նորությունները
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը:
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ներքին գործերի նախարարը հայտնել է, որ պետությունը վճռականորեն կձեռնարկի անհրաժեշտ միջոցներ ցանկացած ապօրինի փորձի դեմ։
Քրդամետ կուսակցության համանախագահը դատապարտել է 1955թ․ սեպտեմբերի 6-7-ին Թուրքիայում ոչ մուսուլմանների նկատմամբ իրականացված ջարդերը։
Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։
Իսկ 72%-ը չի հավատում, որ ՆԱՏՕ-ն կպաշտպանի Թուրքիային, եթե վերջինիս վրա հարձակվեն:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |