Թուրքիայի դպրոցներից մեկի աշակերտներին արգելվել է քրդերեն խոսել

Գիտակրթական08:54, 25 Հոկտեմբեր 2017

Թուրքիայի դպրոցներից մեկի աշակերտներին արգելվել է քրդերեն խոսել

Թուրքիայի հարավ-արևմտյան Շըրնաք քաղաքի Օմեր Քեչեջիգիլի անվան նկախակրթական դպրոցի տարածքում աշակերտներին արգելվել է քրդերեն խոսել:

Ըստ թուրքական «Evrensel.net» լատվակայքի՝ դպրոցի ոսուցիչներից մեկը, ում անունը չի հրապարակվում, դպրոցի պատին գրություն է փակցրել. «Քրդերեն չեմ խոսելու», «Դասի ընթացքում չեմ խոսելու», «Դասարանում չեմ կռվելու»:

Գրառումը նկատել է դպրոցի աշակերտներից մեկի ծնողը: Վերջինս լուսանկարել է գրառումը և հրապարակել համացանցում: Լուսանկարը ծնողի կողմից նաև ուղարկվել է Շըրնաքում գտնվող Թուրքիայի կառավարության հանրային կապերի կենտրոնի մասնաճյուղ: Վերջինս չնայած, որ ընդունել է լուսանկարի հետ կապված ծնողի բողոքի դիմումը, այնուամենայնիվ առայժմ, որևէ ծառայողական քննություն չի սկսվել գործի հետ կապված:

Թուրքական աղբյուրը նշում է, որ այս հարցը նույնիսկ Թուրքիայի խորհրդարանում բարձրացվել է երկրի քրդամետ «Ժողովուրդների դեմոկրատական կուսակցության» (ԺԴԿ-HDP) Շըրնաքի պատգամավոր Այջան Իրմեզի կողմից: Վերջինս այդ թեմայով հարց է ուղղել Թուրքիայի կրթության նախարար Իսմեթ Յըլմազին.

«Արդյո՞ք այդ ուսուցչի նկատմամբ հետաքննություն է սկսվել: Արդյո՞ք Ձեր նախարարությունը տեղյակ է այլատյաց ազգայնականների կողմից թղթի վրա արված զգուշացումների մասին: Շըրնաքի դպրոցների աշակերտներին հրահանգվել է, որ նրանք չխոսեն քրդերեն»:

HDP-ի պատգամավորը հարցադրում է արել նաև այն մասին, թե արդյոք դեպքի հետ կապված այժմ որևէ աշխատանքներ են տարվում, քանի, որ տեղի ունեցածը հոգեբանական տրավմա է հանդիսանում երեխաների համար, որոնց փաստորեն զրկում են մայրենի լեզվով խոսելու իրավունքից:

Աղբյուր` Ermenihaber.am

Այս ենթաբաժնի վերջին նորությունները

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։