Տարածաշրջան12:58, 25 Հոկտեմբեր 2017
Թուրքիայի նախագահն Անկարայում հանդիպել է Իրաքի վարչապետի հետ
Հոկտեմբերի 25-ին Թուրքիայում մայրաքաղաքում հանդիպել են Ռեջեփ Թայիփ Էրդողանը և Իրաքի վարչապետ Հայդար Իբադին: Ըստ թուրքական «Haberler» լրատվամիջոցի՝ փակ դռների ետևում տեղի ունեցած հանդիպումից հետո կողմերը մամուլի ասուլիս են տվել:
«Հավատում եմ, որ Թուրքիայի, Իրանի և Իրաքի իրականացրած քայլերը դրական արդյունք կտան: Այս պահին Իրաքի հետ մեր առևտրաշրջանառությունը հասնում է 9մլրդ դոլարի: Մեր տարածաշրջանը ունի նրբություններ: Քննարկեցինք, թե ինչպիսի ռազմական, տնտեսական քայլեր կարող ենք իրականացնել: Վերջին շրջանում Հյուսիսային Իրաքի քրդական ինքնավար շրջանը հանրաքվե իրականացնելու վերաբերյալ որոշում կայացրեց, որից մենք մտահոգված ենք: Հայտնեցինք, որ հանրաքվեի հարցում մեր դիրքորոշումը չի փոխվելու »,-ասել է Էրդողանը:
Վերջինս նշել է, որ, թե Իրաքը, թե Թուրքիան ի սկզբանե դեմ էին այդ հանրաքվեին և կողմ էին Իրաքի տարածքային ամբողջականության պահպանմանը:
Էրդողանն ընդգծել է, որ Քուրդիստանի հանրաքվեից հետո Թուրքիայի, Իրանի և Իրաքի իրականացրած քայլերը իրենց դրական արդյունքն են տվել:
Իր հերթին Իրաքի վարչապետը իր խոսքում նշել է, որ Քուրդիստանի հետ կապված ստեղծված իրավիճակը լարվածություն է առաջացրել տարածաշրջանում:
«Մենք ցավոք տարածաշրջանում առկա դժվարությունների մի մաս ենք կազմում: Արդեն այդ դժվարությունները հաղթահարելու ժամանակն է եկել »,-ավելացրել է Իբադին:
Այս ենթաբաժնի վերջին նորությունները
Թուրքիայի փոխնախագահ Ջևդեթ Յըլմազն Ադրբեջանի ներկայացուցչի հետ հանդիպմանը քննարկել է Հարավային Կովկասում օգոստոսի 8-ից հետո ստեղծված իրավիճակը:
Հրդեհի հետևանքով տուժվել է կենտրոնում գտնվող 17 խանութ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ներքին գործերի նախարարը հայտնել է, որ պետությունը վճռականորեն կձեռնարկի անհրաժեշտ միջոցներ ցանկացած ապօրինի փորձի դեմ։
Քրդամետ կուսակցության համանախագահը դատապարտել է 1955թ․ սեպտեմբերի 6-7-ին Թուրքիայում ոչ մուսուլմանների նկատմամբ իրականացված ջարդերը։
Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։
Իսկ 72%-ը չի հավատում, որ ՆԱՏՕ-ն կպաշտպանի Թուրքիային, եթե վերջինիս վրա հարձակվեն:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |