Իրանը բացել է Քուրդիստանի հետ սահմանին գտնվող անցակետերից մեկը

11:04, 25 Հոկտեմբեր 2017

Իրանը բացել է Քուրդիստանի հետ սահմանին գտնվող անցակետերից մեկը

Իրաքի իշխանությունների պահանջով, Իրանի Իսլամական Հանրապետությունը (ԻԻՀ) բացել է Քուրդիստանի հետ սահմանին գտնվող Բաշմաք անցակետը:

Թուրքական «Anadolu» պետական լրատվական գործակալության համաձայն՝ այդ մասին հայտարարել է Քուրդիստանի Սուլեյմանիե առևտրի պալատի նախագահ Սիրվան Մուհամեդը:

Վերջինիս խոսքերով՝ այդ քայլն իրականացվել է առևտուրը և բեռնափոխադրումները վերականգնելու նպատակով:

Նշվում է, որ մոտ ժամանակներս կբացվեն նաև Իրանի և Քուրդիստանի միջև գտնվող այլ սահմանային անցակետերը:

Աղբյուրը հիշեցնում է, որ սեպտեմբերի 25-ին իրաքյան Քուրդիստանում կայացած անկախության հանրաքվեից հետո հարևան երկրները, Իրաքի կառավարության պահանջով փակեցին Քուրդիստանի հետ մի շարք անցակետեր:

Հիշեցնենք, որ սեպետմբերի 25-ին Քուրդիստանում կայացած հանրաքվեն չեն ճանաչում, ոչ Իրանը, ոչ Թուրքիան, ոչ էլ Իրաքի իշխանությունները:

Այսօր էլ՝ հոկտեմբերի 25-ին, Իրաքյան Քուրդիստանը հայտարարեց, որ սառեցնում է սեպտեմբերի 25-ին անցկացված անկախության հանրաքվեի արդյունքները, Բաղդադի հետ հետագա լարվածությունից ու ռազմական բախումներից խուսափելու համար:

Աղբյուր` Ermenihaber.am

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Հենրիխ Մխիթարյանի թուրք խաղընկերը մաֆիայի հետ կապերի համար որակազրկվել է

Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։