Տարածաշրջան09:09, 25 Հոկտեմբեր 2017
Բարզանին սառեցրել է Քուրդիստանի անկախության հանրաքվեի արդյունքները. Թուրքիայի արձագանքը
Հյուսիսային Իրաքի քրդական ինքնավարության ղեկավարությունը գրավոր հայտարարություն է տարածել՝ հայտնելով սեպտեմբերի 25-ին անցկացված անկախության հանրաքվեի արդյունքները սառեցնելու որոշման մասին:
Ըստ թուրքական «Haberler.com» լրատվական կայքի՝ հայտարարության մեջ նշվում է, որ որոշումը կայացվել է հաշվի առնելով Իրաքի կառավարական զորքերի և փեշմերգայի ուժերի (քրդական ինքնավարության զինված ուժեր-խմբ.) միջև վերջին օրերին տեղի ունեցած բախումների հետևանքով 2 կողմերի ունեցած զոհերի առկայությունը և հետագա արյունալի պատերազմից խուսափելու ցանկությունը:
«Քրդական տարածաշրջանի և Իրաքի ժողովրդի շահերը հաշվի առնելով՝ պետք է հրադադար ապահովել և դադարեցնել Իրաքի քրդական տարածաշրջանում ընթացող բոլոր ռազմական գործողությունները: Իրաքի կենտրոնական կառավարության և քրդական տարածաշրջանի ղեկավարության միջև Իրաքի սահմանադրության վրա հիմնված երկխոսություն սկսելու նպատակով սառեցնում ենք սեպտեմբերի 25-ին անցկացված հանրաքվեի արդյունքները»,- ասված է հայտարարության մեջ:
Վերոնշյալ որոշմանն արդեն արձագանքել է Թուրքիայի վարչապետ Բինալի Յըլդըրըմը: Էգեյան տնտեսական ֆորումին ունեցած ելույթի ժամանակ Թուրքիայի վարչապետը, անդրադառնալով քրդական ղեկավարության որոշմանը, ասել է.
«Բարզանին հայտարարություն է տարածել՝ տեղեկացնելով, որ վերադառնում են հանրաքվեից առաջ եղած պայմաններին: Լավ, եթե պետք է հետքայլ անեիր, ինչու՞ չլսեցիր ձեզ տարիներ շարունակ հովանավորող Թուրքիային: Ինչևիցե արված սխալն ուղղվեց Բաղդադի կողմից»:
Այս ենթաբաժնի վերջին նորությունները
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |