Տնտեսական08:01, 21 Հոկտեմբեր 2017
Royal Caribbean International-ը կդադարեցնի դեպի Թուրքիա ուղևորությունները
Աշխարհի ամենախոշոր կրուիզային ընկերություններից «Royal Caribbean International»-ը հայտարարել է, որ թուրքական ուղղությունները հանել է իր երթուղիներից՝ այդ երկրում տիրող անկայուն քաղաքական դրության պատճառով։
«CNN Türk»-ի տեղեկացմամբ՝ ընկերության կողմից կատարված հայտարարության մեջ նշվել է, որ դեպի թուրքական Քուշադասը քաղաք նախապես ծրագրված ուղևրությունների փոխարեն հաջորդ տարի նախապատվությունը կտրվի հունական Ռոդոս և Միկոնոս կղզիներին։
Միջազգային լրատվական գործակալությունների հետ զրույցում «Royal Caribbean»-ի ներկայացուցիչը նշել է, որ նման որոշում է կայացվել՝ ելնելով ուղևորների և անձնակազմի անվտանգության նկատառումներից։ «Մենք կշարունակենք հետևել Թուրքիայում տիրող իրավիճակին և հույս ունենք, որ դեռ կվերադառնանք այդ հանրաճանաչ ծովափ», - հավելել է նա։
Նշենք, որ ընկերությանը պատկանող «Jewel of the Seas» զբոսանավը 2018թ․ հունիս- հոկտեմբեր ամիսներին 8 ուղևորություն պիտի կատարեր դեպի Քուշադասը, սակայն դրա փոխարեն կմեկնի Ռոդոս կղզի։ Իսկ նույն ընկերության «Vision of the Seas» զբոսանավը մայիս – հոկտեմբեր ժամանակահատվածում Քուշադասը պետք է այցելեր 7 անգամ, սակայն այդ այցերը ևս կփոխարինվեն դեպի Ռոդոս կամ Միկոնաս կղզիներ ուղևորություններով։
Հավելենք նաև, որ 2015թ․ «Royal Caribbean International»-ի հսկա զբոսանավերը դեպի Թուրքիա 135 ուղևորություն էին իրականացրել, որից 80-ը՝ դեպի Քուշադասը։ Սակայն Թուրքիայում տիրող իրավիճակի պատճառով 2016թ․ այդ ուղևորությունների թիվը կտրուկ նվազել էր՝ հասնելով ընդամենը 85-ի։
Քուշադասըի առևտրի պալատի նախագահ Սերդար Աքդողանի խոսքով՝ իրենք «Royal Caribbean International»-ից դեռևս որևէ պաշտոնական ծանուցում չեն ստացել, սակայն եթե նման բան իրոք տեղի ունենա, դա շատ մեծ հարված կլինի տարածաշրջանի համար, զբոսաշրջության ոլորտում նկատվող ճգնաժամն էլ ավելի կխորանա։
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |