Տարածաշրջան05:55, 19 Հոկտեմբեր 2017
Սիրիացի պաշտոնյան Թուրքիայի ներխուժումը Իդլիբ «լկտի հարձակում» է անվանել
Սիրիայի փոխարտգործնախարար Ֆայսալ Միքդադը հայտարարել է, որ տարածաշրջանում Թուրքիայի վարած քաղաքականության հետևանքով վնաս է հասցվում Սիրիայի տարածքային ամբողջականությանը:
«Mynet» լրատվամիջոցը, հղում անելով սիրիական պաշտոնական «SANA» լրատվական գործակալությանը, նշում է, որ այդ մասին սիրիացի պաշտոնյան հայտարարել է իշխող «Բաաս» կուսակցության պաշտոնյանների հետ հանդիպման ժամանակ:
Միքդադն անդրադարձել է նաև Թուրքիայի զինուժի կողմից սիրիական Իդլիբ քաղաքում սկսած ռազմական օպերացիայի հարցին՝ ասելով. Սիրիայի անկախության և անվտանգության դեմ ուղղված լկտի հարձակում է եղել: Չնայած Թուրքիայի ղեկավարության պնդումներին՝ պաշտոնական Անկարայի քայլերը հակասում են Աստանայի բանակցություններին և վերջիններիս վերաբերյալ համաձայնեցված կետերին»:
Նա նաև ընդծել է, թե ինչքան կարևոր է Իրաքի տարածքային ամբողջականության պահպանումը Սիրիայի համար: Միքդադի խոսքերով՝ Սիրիան կտրականապես մերժում է ցանկացած քայլ, որով կխախտվի Իրաքի տարածքային ամբողջականությունը: Եվ այն քայլերը, որոնք Իրաքի կառավարության կողմից իրականացվելու են երկրի անկախությունը պահպանելու ուղղությամբ, ստանալու են Սիրիայի աջակցությունը:
Հիշեցնենք, որ հոկտեմբերի 13-ի գիշերը Թուրքիայի զինուժը մտել էր Սիրիայի հյուսիսային Իդլիբ նահանգ: Աստանայում ձեռքբերված համաձայնությամբ՝ Իդլիբում «անվտանգության» գոտի էր սահմանվել: Որպես երաշխավոր երկրներ հանդես են գալիս Իրանը, Թուրքիան և Ռուսաստանը:
Այս ենթաբաժնի վերջին նորությունները
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գործընթացը մեկնարկել է հուլիսի 11-ին Իրաքի հյուսիսում գտնվող Սուլեյմանիե նահանգում:
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Դատարանը հայտնել է, որ խնդրի վերաբերյալ նախնական որոշում կկայացվի մինչև 2025-ի օգոստոսի 8-ը։
«Թուրքիայի նպատակները և տարածաշրջանային ներկայությունը երկար ժամանակ սպառնալիք է ստեղծելու Իսրայելի անվտանգության համար»:
Համաձայնագիրը ներառում է Լիբիայի բանակի կարողությունների բարձրացմանն ուղղված ծրագրեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |