Կատարը Թուրքիայում շուրջ 20 մլրդ դոլարի ներդրում կանի

Տնտեսական09:48, 17 Հոկտեմբեր 2017

Կատարը Թուրքիայում շուրջ 20 մլրդ դոլարի ներդրում կանի

Կատարը պատրաստվում է խոշոր ներդրում անել Թուրքիայում։ Թուրքական «Haberler.com» լրատվակայքի տեղեկացմամբ՝ իր պատմության ընթացքում ընդհանուր առմամբ 18 մլրդ դոլարի ներդրում կատարած Կատարն առաջիկայում Թուրքիայում ավելի քան 20 մլրդ դոլար կներդնի։

Այսպիսով, Թուրքիան կընդգրկվի այն 5 երկրների շարքում, որտեղ Կատարի կողմից ամենից շատ ներդրումներ են կատարվում։

Ներդրումները նախատեսված են հիմնականում էներգետիկայի, հեռահաղորդակցության, տուրիզմի, սննդի արդյունաբերության, առողջապահության, ապահովագրության, պաշտպանության, բանկային գործի և նավաշինության ոլորտում։

Հավելենք, որ Թուրքիայում գործում է 121 ընկերություն, որոնցում Կատարը ներդրումներ ունի։ Այդ ներդրումների ընդհանուր գումարը կազմում է շուրջ 5 մլրդ դոլար։ 2002-2017 թթ․ ընթացքում Կատարից Թուրքիայում կատարված ուղղակի ներդրումների ընդհանուր ծավալը կազմել է 1․538 մլրդ դոլար։

Թուրքիայում ներդրումներ կատարող երկրների ցանկում Կատարը զբաղեցնում է 19-րդ տեղը։

Երկու երկրների միջև առևտրաշրջանառնությունը 2016թ․ կազմել է 834․5 մլն դոլար, իսկ 2017թ․ առաջին ամիսների ընթացքում՝ 634 մլն դոլար։

Աղբյուր` Ermenihaber.am

Այս ենթաբաժնի վերջին նորությունները

12:42, 09 սեպ

Թուրքիայում կրոնական գործերի վարչությանը հատկացվում է ավելի շատ բյուջե, քան օրինակ ԱԳՆ-ին

Դա Թուրքիայում հանրային լայն քննարկումների առիրթ է դարձել։

16:42, 05 սեպ

Ադրբեջանն ու Թուրքիան ամրապնդում են էներգետիկ համագործակցությունը

Թուրքիայի էներգետիկայի և բնական պաշարների նախարարն ու Ադրբեջանի էներգետիկայի նախարարն այցելել են Իզմիր նահանգում գտնվող «SOCAR Turkey»-ի արտադրական կայան: