ERMENI HABER AJANSI

Թուրքիայի արտաքին գործերի նախարարությունը հայտարարություն  է արել Քիրքուքի ուղղությամբ Իրաքի կառավարության կողմից սկսված ռազմական գործողությունների վերաբերյալ:

«Haberturk» լրատվակայքի համաձայն՝ հայտարարությունում մասնավորապես ասվում է, որ Թուրքիան ողջունում  է Իրաքի իշխանությունների իրականացրած քայլերը՝ Քիրքուքի հետ կապված, որտեղ ապրում են նաև թուրքմեններ:

Թուրքիայի արտգործնախարարությունը գոհունակությամբ է ընդունել Իրաքի կառավարության այն հայտարարությունը, որտեղ Բաղդադը դեմ է արտայատվել, որ «Քուրդիստանի բանվորական կուսակցության» (ՔԲԿ-PKK) զինյալները գործունեություն ծավալեն Քիրքուքում: Իսկ քուրդ զինյալների ցանկացած մոբիլիզացման փորձ Քիրքուքում, Թուրքիայի կողմից  կընկալվի որպես պատերազմի սկիզբ:

Թուրքիայի ԱԳՆ-ն զգուշացրել է նաև, որ պատասխանատվության կենթարկվեն այն ուժերը, որոնք նպաստեն Քիրքուքում PKK-ի զինյալների հայտնվելուն:

Իրաքի քրդերին կոչ է արվել չկրկնել  ևս մի սխալ (Քուրդիստանի անկախության հանրաքվե), որը կարող է լուրջ հետևանքներ ունենալ:

«Իրաքի  տարածքներում PKK-ի գոյությունը վերջ դնելու նպատակով Իրաքի կառավարության հետ ցանկացած տեսակի համագործակցության պատրաստ ենք: Թուրքիան Իրաքում մշտական խաղաղություն և կայունություն ապահովելու համար կկանգնի Իրաքի կառավարության կողքին»:,-ասվում է հայտարարության մեջ:

Հավելվել է, նաև  որ Թուրքիայի համար առաջնահերթ հարց է Իրաքի տարածքային ամբողջականության պահպանումը:

Հիշեցնենք, որ Իրաքի իշխանությունները Քիրքուկը քրդերից ետ վերցնելու նպատակով ռազմական գործողությունների են անցել:
Քիրքուկը այժմ գտնվում է իրաքյան Քուրդիստանի կազմում, որտեղ սեպտեմբերի 25-ին անկախության հանրաքվե էր կայացել: