Թուրքիան մի գիշերում կորցրել է 17 մլրդ դոլար

Տնտեսական08:51, 12 Հոկտեմբեր 2017

Թուրքիան մի գիշերում կորցրել է 17 մլրդ դոլար

Ամերիկայի Միացյալ Նահանգների և Թուրքիայի միջև ծագած վիզային ճգնաժամի առաջին իսկ օրը տեղի ունեցավ թուրքական լիրայի կտրուկ արժեզրկում, ինչի հետևանքով Թուրքիայի տնտեսությունը մի գիշերվա ընթացքում ունեցավ մոտ 63 մլրդ լիրայի (17 մլրդ դոլար) կորուստ:

Այսպիսի տվյալներ են հրապարակված Թուրքիայի ընդդիմադիր «Ժողովրդահանրապետական կուսակցության» (CHP-ԺՀԿ) տնտեսական գծով փոխնախագահ Այքութ Էրդողդուի զեկույցում:

Թուրքական «Gazeteduvar.com.tr» լրատվական կայքի հաղորդմամբ՝ Էրդողդուն որոշ մանրամասներ է ներկայացրել լիրայի՝ ժամերի ընթացքում ավելի քան 3 տոկոսով արժեզրկվելու հետևանքների վերաբերյալ:

Զեկույցի համաձայն՝ տնտեսության ռեալ սեկտորի կորուստը կազմել է 26 մլրդ թուրքական լիրա (7.1 մլրդ դոլար):

Ստամբուլի բորսայում գործարքներ կատարող բաց բաժնետիրական ընկերությունների արժեթղթերի արժեքը միասին վերցրած ընկել է 23 մլրդ լիրայով (6.2 մլրդ դոլար):

Փոխարժեքի կտրուկ փոփոխության հետևանքով պետության ներքին պարտքն ավելացել է 3 մլրդ լիրայով (0.8 մլրդ դոլար), իսկ արտաքին պարտքը՝ 11 միլիարդով (3 մլրդ դոլար):

Աղբյուր` Ermenihaber.am

Այս ենթաբաժնի վերջին նորությունները

12:42, 09 սեպ

Թուրքիայում կրոնական գործերի վարչությանը հատկացվում է ավելի շատ բյուջե, քան օրինակ ԱԳՆ-ին

Դա Թուրքիայում հանրային լայն քննարկումների առիրթ է դարձել։

16:42, 05 սեպ

Ադրբեջանն ու Թուրքիան ամրապնդում են էներգետիկ համագործակցությունը

Թուրքիայի էներգետիկայի և բնական պաշարների նախարարն ու Ադրբեջանի էներգետիկայի նախարարն այցելել են Իզմիր նահանգում գտնվող «SOCAR Turkey»-ի արտադրական կայան: