Տարածաշրջան10:02, 12 Հոկտեմբեր 2017
Իրանի նախագահի զգուշացումը Քուրդիստանի ղեկավարությանը
Իրանի Իսլամական Հանրապետության (ԻԻՀ) նախագահ Հասան Ռուհանին խոսել է իրաքյան Քուրդիստանում սեպտեմբերի 25-ին տեղի ունեցած անկախության հանրաքվեի մասին, որը պաշտոնական Թեհրանը անօրինական է համարում:
Ըստ թուրքական «Haber7» լրատվամիջոցի՝ Իրանի նախագահը Քուրդիստանի ղեկավարությանը զգուշացրել է, որ իրաքյան Քուրդիստանը թանկ կվճարի անկախության հանրաքվեի անցկացման համար:
«Իրանում, Իրաքում, Սիրիայում և Թուրքիայում ապրող քրդերին սիրում ենք: Չենք ցանկանում, որ քրդերի դեմ ճնշում գործադրվի, սակայն որոշ պաշտոնյաների արած սխալների դիմաց պետք է հատուցում լինի: Քուրդ ազգը ցանկանում է առաջ շարժվել իբրև խաղասեր ժողովուրդ»,-ասել է Ռուհանին:
Վերջինս քրդական «Rudaw»-ի հետ զրույցում կոչով դիմել է նաև Իրանում ապրող քրդերին:
«100 տոկոսով վստահում ենք ձեզ: Տարածաշրջանում որոշ քաղաքական գործիչների արած սխալները Ձեզ վրա չենք բարդում, որովհետև դուք Իրանի մի մեծ մասն եք կազմում: Անմնացորդ նվիրված ժողովուրդ եք»:
Հիշեցնենք, որ Թուրքիան և Իրանը չեն ճանաչում իրաքյան Քուրդիստանում սեպտեմբերի 25 տեղի ունեցած անկախության հանրաքվեն, համարելով, որ դրանով խախտվել է Իրաքի տարածքային ամբողջականությունը և սահմանադրությունը:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |