Քաղաքական13:21, 06 Հոկտեմբեր 2017
Ամերիկացի դեսպանն անհանգստացած է Թուրքիայի պահվածքից
Թուրքիայում ԱՄՆ-ի դեսպան Ջոն Բասսը խոսել է Ստամբուլում ԱՄՆ-ի գլխավոր հյուպատոսարանի աշխատակից Մեթին Թոփուզի կալանավորման մասին։
Ըստ թուրքական «Haber7» լրատվամիջոցի՝ լրագրողների հետ զրույցում Բասսը նշել է, որ ամերիկացի աշխակցի ձերբակալմամբ Թուրքիայի իշխանությունների որոշ ներկայացուցիչներ ցանկանում են վրեժ լուծել ԱՄՆ-ից:
Նա, անհանգստություն հայտնելով ամերիկացի աշխատակցի ձերբակալման առնչությամբ, մասնավորապես ասել է.
«Ինձ խորապես անհանգստացնում է այն փաստը, որ Թուրքիայի կառավարությունից ոմանք նախընտրում են, որ այս գործը քննվի մամուլի միջոցով, այլ ոչ թե դատարանի առջև: Ըստ իս՝ սա արդար չէ, ավելի շատ նման է վրեժի: Համոզված եմ, որ ամերիկացի աշխակցին ուղղված մեղադրանքներն անհիմն են: Հավատում եմ նաև նրան, որ այդ մեղադրանքները հաստատող ապացույցներ ի հայտ չեն գա»:
Նա շեշտել է, որ ազատ և ուժեղ մամուլը ժողովրդավար հասարակության հիմքն է հանդիսանում և այդ առումով ԱՄՆ-ի և Թուրքիայի միջև հսկայական տարբերություն կա:
Վերջում նա նկատել է տվել, որ իր մամուլի ասուլիսի ժամանակ ոչ բոլոր լրատվամիջոցների ներկայացուցիչներն են հրավիրված եղել, քանի որ որոշ թուրքական լրատվամիջոցներ չեն պահպանում լրագրողական էթիկան: Ամերիկացի դեսպանի դիտարկմամբ՝ թուրքական որոշ լրատվամիջոցներ ոչ օբյեկտիվ են և նախընտրում են հորինվածնքեր տարածել:
Հիշեցնենք, որ Թոփուզին մեղադրանք էր առաջադրվել «Քաղաքական կամ ռազմական լրտեսության նպատակով երկրի անվտանգությանը, ներքին կամ արտաքին քաղաքական շահերին վերաբերող գաղտնի տեղեկություններ տրամադրելու» ինչպես նաև «Թուրքիայի Հանրապետության կառավարությունը տապալելու փորձ» հոդվածների հատկանիշներով:
Այս ենթաբաժնի վերջին նորությունները
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |