Իրավական09:57, 05 Հոկտեմբեր 2017
Ձերբակալությունների ալիք՝ Թուրքիայի նախարարություններից երկուսում
Անկարայի հանրապետական գլխավոր դատախազությունը 133 հոգու նկատմամբ ձերբակալման որոշում է կայացրել: Թուրքական «Sabah» թերթի տեղեկացմամբ` բոլորն էլ Թուրքիայի 2 նախարարությունների ներկա և նախկին աշխատակիցներ են:
Գլխավոր դատախազության հայտարարությունից պարզ է դառնում, որ որոշումն ընդունվել է պետական հիմնարկներում և կազմակերպություններում «Ֆեթուլլահական ահաբեկչական կազմակերպության» (FETÖ` թուրքական մամուլում այսպես է կոչվում իսլամի հայտնի քարոզիչ Ֆեթուլլահ Գյուլենի հիմնած շարժումը) անդամների դեմ հետաքննության շրջանակներում:
Ըստ հայտարարության՝ ձերբակալման որոշում է կայացվել ֆինանսների նախարարության 2 գործող և կառավարության որոշմամբ աշխատանքից ազատված 99 նախկին աշխատակցի, Աշխատանքի և սոցիալական ապահովության նախարարությունից` 2 գործող և 30 նախկին աշխատակցի նկատմամբ: Որոշման համար հիմք է ծառայել այն, որ 133 հոգին էլ կիրառել են արգելված «ByLock» բջջային հավելվածը:
Հիշեցնենք, որ «Bylock» հավելվածն օգտատերերին հնարավորություն է տալիս հաղորդակցվել ծածկագրերի միջոցով: Ըստ թուրքական լրատվամիջոցների՝ այս հավելվածն օգտագործում են գյուլենականները՝ միմյանց հետ գաղտնի հաղորդակցվելու համար:
Թուրքիայի իշխանությունները Գյուլենական շարժումն ահաբեկչական են համարում, իսկ հիմնադիր Ֆեթուլլահ Գյուլենին մեղադրում են Թուրքիայում 2016թ հուլիսի 15-ի ռազմական հեղաշրջման փորձը կազմակերպելու մեջ:
Այս ենթաբաժնի վերջին նորությունները
Թուրքիայում ազատազրկված անձանց թիվը ներկա դրությամբ հասնում է 362.000-ի։
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ներքին գործերի նախարարը հայտնել է, որ պետությունը վճռականորեն կձեռնարկի անհրաժեշտ միջոցներ ցանկացած ապօրինի փորձի դեմ։
Քրդամետ կուսակցության համանախագահը դատապարտել է 1955թ․ սեպտեմբերի 6-7-ին Թուրքիայում ոչ մուսուլմանների նկատմամբ իրականացված ջարդերը։
Իսկ 72%-ը չի հավատում, որ ՆԱՏՕ-ն կպաշտպանի Թուրքիային, եթե վերջինիս վրա հարձակվեն:
Հանդիպմանը կողմերն անդրադարձել են նաև տարածաշրջանային հարցերի։
Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |