Թուրք-քրդական բախումներ Աղրը և Հաքքարի նահանգներում

Տարածաշրջան12:21, 29 Սեպտեմբեր 2017

Թուրք-քրդական բախումներ Աղրը և Հաքքարի նահանգներում

Սեպտեմբերի 29-ին Թուրքիայի Հաքքարի և Աղրը նահանգներում թուրք-քրդական նոր բախում է գրանցվել: Թուրքական «Dunya» լրատվոմիջոցի համաձայն՝ Աղրը նահանգի Դողուբայազեթ շրջանում բախման ժամանակ սպանվել է 3 անվտանգության աշխատակից: Քրդական կողմը տվել է 4 զոհ:

Նույն օրը՝ երեկոյան Թուրքիայի սահմանամերձ հարավարևելյան Հաքքարի նահանգի Չուքուրջա շրջանի դիմաց գտնվող Հյուսիսային Իրաքի Քանիմասը շրջանում քուրդ զինյալների հարձակման հետևանքով սպանվել է 1 թուրք զինվոր, 4-ն էլ վիրավորվել են: Բախման ժամանակ սպանվել է նաև «Քուրդիստանի բանվորական կուսակցության» (PKK-ՔԲԿ) 3 զինյալ:

Հիշեցնենք, որ PKK-ն Թուրքիայում համարվում է ահաբեկչական կազմակերպություն: Վերջինիս դեմ ռազմական գործողությունները ընթանում են, թե՛ երկրի ներսում, թե՛ երկրի սահամաններից դուրս՝ մասնավորապես Հյուսիսային Իրաքում, որտեղ էլ գտնվում է PKK-ի գլխավոր ռազմաճամբարը՝ Քանդիլը:

Աղբյուր` Ermenihaber.am