Տարածաշրջան08:26, 28 Սեպտեմբեր 2017
Նավթի գնման հարցում Թուրքիան բանակցություններ կվարի միայն Իրաքի իշխանությունների հետ
Սեպտեմբերի 27-ի Թուրքիայի և Իրաքի վարչապետներ Բինալի Յըլդըրըմի և Հայդար Իբադիի միջև հեռախոսազրույց է կայացել:
Թուրքական «Haber7.com» լրատվակայքը, հղում անելով Իրաքի կառավարության աշխատակազմի հայտարարությանը, նշում է, որ հեռախոսազրույցի ժամանակ խոսվել է իրաքյան Քուրդիստանում կայացած անկախության հանրաքվեի, ինչպես նաև Իրաքից Թուրքիա նավթի արտահանման հարցեի մասին:
Իրաքյան Քուրդիստանից մշտապես նավթ է արտահանվել դեպի Թուրքիա:
Յըլդըրըմը Քուրդիստանի շուրջ ստեղծված իրավիճակի հետ կապված ասել է, որ պաշտոնական Բաղդադի ցանկացած քայլ աջակցություն կստանա Թուրքիայի կողմից:
Բացի այդ Թուրքիայի վարչապետը շեշտել է, որ իրենք նավթի գնման հարցում բանակցություններ կվարեն միայն Իրաքի իշխանությունների հետ: Նշվել է, որ այդ հարցում Իբադին և Յըլդըրըմը սկզբունքային համաձայնություն են ձեռք բերել:
Աղբյուրը շեշտում է, որ Իրաքի կառավարության աշխատակազմից որևէ մանրամասներ չի ներկայացվել, թե այդ ուղղությամբ ինչպիսի քայլեր են ձեռնարկվելու:
Հիշեցնենք, որ հանրաքվեից հետո Էրդողանը սպառնացել էր Քուրդիստանի ղեկավարներին նաև տնտեսական պատժամիջոցներով.
«Հենց սկսենք կիրառել մեր պատժամիջոցները, այն ժամանակ Բարզանին նեղը կընկնի: Այ, երբ փականը փակենք, այն ժամանակ էլ ամեն ինչ կավարտվի: Իսկի ուտելու բան չեն կարողանա գտնել»,-ասել էր Թուրքիայի նախագահը:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |