Միջազգային08:46, 19 Սեպտեմբեր 2017
Սեպտեմբերի դրությամբ Գերմանիայից ապաստան է հայցել Թուրքիայի 962 քաղաքացի
2017թ. սեպտեմբերին Գերմանիայից ապաստան խնդրող Թուրքիայի քաղաքացիների թիվը հասել է 962-ի: Այս մասին տեղեկացնում է թուրքական «demokrathaber.com» լրավակայքը:
Գերմանիայի ներքին գործերի նախարարության հրապարակած տվյալների համաձայն՝ 2016թ. հուլիսի 15-ի հեղաշրջման փորձից հետո՝ մինչև 2017թ. սեպտեմբեր ապաստանի խնդրանքով Գերմանիային է դիմել դիվանագիտական անձնագիր ունեցող 249 քաղաքացի:
Գերմանիան բավարարել է այդ հայցերի 80 տոկոսը: Այսինքն, ապաստան է տրվել դիվանագիտական անձնագիր ունեցող 196 քաղաքացու: Այս թվերը ներառում են նաև դիվանագետների ընտանիքի անդամներին ու երեխաներին: Ընդ որում, ապաստան խնդրողների թվում շատ են նաև Թուրքիայի զինված ուժերի ներկայացուցիչները:
Ապաստանի խնդրանքով Գերմանիային դիմող Թուրքիայի քաղաքացիների թվում վերջին շրջանում կտրուկ աճ է գրանցվել: Եթե հունիսի դրությամբ դիմումների ընդհանուր թիվը 433 էր, հուլիսին այն հասել է 620-ի, իսկ արդեն սեպտեմբերին՝ 962-ի:
Գերմանիայի «Ձախերի» կուսակցության պատգամավոր Սևիմ Դաղդելենը ուշադրություն է հրավիրել այդ աննախադեպ հանգամանքի վրա՝ կարծիք հայտնելով, որ նման պարագայում Գերմանիան պարտավոր է փոխել Թուրքիայի նկատմամբ իր քաղաքականությունը և վերանայել այդ երկրի հետ անվտանգության ոլորտում համագործակցության պայմանները:
Հիշեցնենք, որ Թուրքիայի զինված ուժերի ներկայացուցիչներին ապաստան տալու պատճառով Թուրքիան արգելել էր գերմանացի պատգամավորներին՝ այցելել Ինջիրլիք ռազմաբազայում տեղակայված գերմանական ուժերին: Գերմանիան իր հերթին այցի թույլտվություն ստանալու երկար ու ապարդյուն ջանքերից հետո որոշում էր կայացրել Թուրքիայից դուրս բերել Ինջիրլիքի իր զինուժը:
Այս ենթաբաժնի վերջին նորությունները
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |