Տարածաշրջան07:29, 16 Սեպտեմբեր 2017
Թուրքիայի վարչապետի կոչը հյուսիսային Իրաքի քրդերին
Ուրբաթօրյա նամազից հետո Թուրքիայի վարչապետ Բինալի Յըլդըրըմը, մզկիթի մոտ պատասխանել է լրագրողների հարցերին: Դրանցից մեկն առնչվել է հյուսիսիրաքյան քրդական ինքնավարությունում սեպտեմբերի 25-ին ծրագրվող անկախության հանրաքվեին: Յըլդըրըմը տեղեկացրել է, որ ինքը նախազգուշացում է արել քրդական ինքնավարության ղեկավարին՝ Մասուդ Բարզանիին:
«Պարոն Բարզանիին բարեկամաբար կոչ ենք անում, քանի դեռ ժամանակ կա, ետ կանգնել այդ սխալ քայլից: Առանց այդ էլ տարածաշրջանում բազում խնդիրներ կան, եղածներին նորերը մի ավելացրեք: Առհասարակ պիտի ասեմ, որ Թուրքիան դեմ է Իրաքի տարածքային ամբողջականությունը խաթարող որևէ գործողության»,- նշել է թուրքական կառավարության ղեկավարը:
Նա նաև հիշեցրել է, որ այդ հանրաքվեին դեմ են արտահայտվել Իրանը, Միացյալ Նահանգները, Մեծ Բրիտանիան ու աշխարհի շատ երկրներ: Ըստ Յըլդըրըմի՝ շուտով խնդրին կմիջամտի ՄԱԿ-ը:
Իսկ իրաքյան Քուրդիստանի խորհրդարանը, գումարելով արտահերթ նիստ, 8 ձայնի առավելությամբ քվեարկել և վերահաստատել է հանրաքվեի անցկացումը: Բարզանին էլ հայտարարել է, որ իրենց նպատակը ոչ թե հանրաքվեն է, այլ անկախությունը:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |