Իրավական07:40, 16 Սեպտեմբեր 2017
Գերմանիայի հյուպատոսին թույլ չեն տվել այցելել Թուրքիայում բանտարկված Դենիզ Յուջելին
Ստամբուլում Գերմանիայի գլխավոր հյուպատոսին թույլ չի տրվել այցելել գերմանական «Die Welt» թերթի թղթակից Դենիզ Յուջելին, ով գտնվում է Թուրքիայի Սիլիվրիի բանտում: Այս մասին տեղեկացնում է թուրքական «Evrensel.net» լրատվակայքը:
Դեպքի առնչությամբ հայտարարությամբ հանդես եկած Գերմանիայի արտգործնախարարությունը նշել է, որ թուրքական իշխանությունները մերժել՝ առանց որևէ հիմնավորում ներկայացնելու:
Արտգործնախարարության խոսնակ Մարտին Շեֆերը այս առնչությամբ ասել է. «Չենք կարողանում հասկանալ, թե ինչու մեր գլխավոր հյուպատոսին պարբերաբար չի թույլատրվում բանտում այցելել Յուջելին և մյուս ազատազրկված գերմանացիներին»:
Շեֆերը հիշեցրել է, որ թուրքական բանտերում գտնվող Գերմանիայի քաղաքացիները իրավունք ունեն օգտվելու հյուպատոսարանի աջակցությունից: Խոսնակը նշել է, որ եթե այսուհետև ևս այցերն արգելվեն, հարցը կարող է տեղափոխվել դատարան: Սակայն անգամ այդ դեպքում որևէ վճռի հասնելու համար տարիներ կարող են պահանջվել:
Գերմանական թերթի թղթակից Դենիզ Յուջելը փետրվարի 14-ին սեփական կամքով գնացել էր ոստիականություն՝ ցուցմունք տալու համար, սակայն ձերբակալվել էր: Փետրվարի 27-ին նա ազատազրկվել էր և տեղափոխվել Սիլիվրիի բանտ: Չնայած ազատազրկման ավելի քան վեց ամիսներին՝ լրագրողի վերաբերյալ մեղադրական եզրակացություն դեռևս չի կազմվել:
Առանց մեղադրական եզրակացության բանտախցում պահվող Դենիզ Յուջելի իրավունքների խախտման առթիվ դիմում է ներկայացվել Մարդու իրավունքների եվրոպական դատարան (ՄԻԵԴ): Բացի այդ, «Die Welt» թերթը ևս իր և իր լրագրողների իրավունքների ոտնահարման դեմ հայց է ներկայացրել ՄԻԵԴ:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |