Թուրքիայի հայ համայնքում սոցհարցում կանցկացվի

Հասարակական11:22, 11 Սեպտեմբեր 2017

Թուրքիայի հայ համայնքում սոցհարցում կանցկացվի

Թուրքիայի հայ համայնքում պատրիարքական ընտրությունների անցակցման ջատագով «Տեսակետների հարթակը» ընտրություններից առաջ համայնքում սոցհարցում կանցկանցի:

«Ակօս» շաբաթաթերթը զրուցել է խմբի անդամների հետ և մանրամասներ ներկայացրել սպասվող սոցհարցման մասին:

«Düşünce Platformu»-ը սոցհարցումն անցկացնելու համար պայմանավորվածություն է ձեռք բերել հետազոտություններ իրականացնող KONDA ընկերության հետ: Սոցհարցումը կսկսվի սեպտեմբերի կեսերից: «Düşünce Platformu»-ի անդամները հույս ունեն վերջնական արդյունքների մասին հանրությանն իրազեկել հոկտեմբերի վերջին: Նախատեսվում է հարցմանը ներգրավել համայնքի շուրջ 1000 անդամի:

Հարցման նպատակն է պարզել հայ համայնքի տեսակետը՝ պատրիարքի և պատրիարքության, համայնքի համար կարևոր հարցերի շուրջ, և սպասելիքները պատրիարքի թեկնածուներից ու ապագա պատրիարքից: Ըստ «Düşünce Platformu»-ի ներկայացուցիչների՝ այս տեսանկյունից սոցհարցումը կարևոր է ոչ միայն իրենց և համայնքի, այլև պատրիարքի թեկնածուների համար:

Հարցերը դասակարգված են 4 խմբի մեջ.

1. Հարցեր, որոնց նպատակն է տեղեկություններ ստանալ տարիքային խմբերի, սոցիալական կարգավիճակի և այլնի վերաբերյալ:
2. Հարցեր հայկական ինքնության և հայ համայնքի խնդրիների վերաբերյալ:
3. Հարցեր համայնքի կյանքում պատրիարքի և պատրիարքարանի դիրքի, գործառույթների մասին:
4. Հարցեր պատրիարքական ընտրության գործընթացի և դրանից հետո զարգացումների մասին:

Նշվում է, որ հարցերի բավականին լայն շրջանակի շնորհիվ հնարավոր կլինի պատկերացում կազմել համայնքի սոցիալական դրության, տարիքային խմբերի, հայերենի իմացության մակարդակի մասին, ինչպես նաև բացահայտել, թե համայնքում ինչ են մտածում հայ լինելու և դրա պահանջների, համայնքի կարևորագույն խնդիրների, ապագայի և նմանատիպ հարցերի շուրջ:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։