Բավարիայի վարչապետը պահանջել է պաշտոնապես արգելել Գերմանիայից Թուրքիա ուղևորությունները

Միջազգային10:33, 04 Սեպտեմբեր 2017

Բավարիայի վարչապետը պահանջել է պաշտոնապես արգելել Գերմանիայից Թուրքիա ուղևորությունները

Գերմանիայի «Քրիստոնեա-դեմոկրատական միություն» կուսակցության (CSU) նախագահը Գերմանիայի կառավարությունից պահանջել է պաշտոնապես արգելել դեպի Թուրքիա կատարվող ուղևորությունները: Այս մասին տեղեկացնում է թուրքական «Ensonhaber.com» լրատվակայքը:

CSU առաջնորդ և Բավարիայի վարչապետ Հորսթ Զեեհոֆերը մասնավորապես ասել է. «Եթե Գերմանիայի քաղաքացիները անտրամաբանական պատճառներով կալանավորվում են, ապա դաշնային կառավարությունն էլ պիտի բացատրի հանրությանը, որ պետք չէ մեկնել Թուրքիա, որովհետև դա վտանգավոր է»:

Զեեհոֆերը նաև տեսակետ է հայտնել, որ Թուրքիան չի կարող դառնալ Եվրամիության (ԵՄ) լիիրավ անդամ և անհրաժեշտ է, որ այդ մասին բարձրաձայնվի: Միևնույն ժամանակ Բավարիայի վարչապետը կրկին պահանջել է դադարեցնել ԵՄ անդամակցության շրջանակներում Թուրքիային տրամադրվելիք 4.2 մլրդ եվրոյի ֆինանսական օգնության նախագիծը:

Զեեհոֆերը նշել է նաև, որ Թուրքիայի համար Եվրոպայի մուտքի վիզայի ազատականացումը անհնար է: «Բացի այդ, քանի դեռ Թուրքիայում ոտնատակ են արվում իրավական պետության սկզբունքները, Մաքսային միությունը չպետք է ընդլայնվի», - հավելել է CSU նախագահը:

Աղբյուր` Ermenihaber.am

Այս ենթաբաժնի վերջին նորությունները

10:59, 06 օգոս

ԱՄՆ-ի պետդեպը հաստատել է 203.5 մլն դոլարի զինտեխնիկայի վաճառքն Ուկրաինային

Նշվում է, որ վերոնշյալ վաճառքը կբարձրացնի Ուկրաինայի կարողությունը՝ դիմակայելու առկա և ապագա սպառնալիքներին։

12:36, 05 օգոս

Թուրքիան Սոմալիում կհիմնի տիեզերական կայան

Տիեզերակայանի նախագիծը կարժենա 350 մլն դոլար և շինարարությունը կավարտվի 2 տարում։

14:12, 23 հուլ

Թուրքիան և Սիրիան կստորագրեն ծովային իրավասության համաձայանգիր

Ըստ այդ համաձայնագրի՝ Թուրքիան կամրապնդի դիրքերը Արևելյան Միջերկրականում ու նաև կպաշտպանի Հյուսիսային Կիպրոսի ինքնահռչակ թուրքական Հանրապետության (ՀԿԹՀ) շահերը։