Թուրքիայի անվտանգության համակարգի բարձրաստիճան պաշտոնյաներ Գերմանիայից ապաստան են խնդրել

Տարածաշրջան09:49, 31 Օգոստոս 2017

Թուրքիայի անվտանգության համակարգի բարձրաստիճան պաշտոնյաներ Գերմանիայից ապաստան են խնդրել

Թուրքիայի ոստիկանության և հետախուզության բարձրաստիճան պաշտոնյաներ ապաստան են հայցել Գերմանիայից:

Այս մասին հայտնում է թուրքական «Demokrathaber» լրատվական կայքը՝ հղում անելով գերմանական «Die Welt» թերթին: Ըստ ներկայացված տեղեկության՝ Գերմանիայից ապաստան են խնդրել Թուրքիայի ոստիկանության մի խումբ աշխատակիցներ և Ազգային հետախուզական կազմակերպության (MIT) մեկ բարձրաստիճան պաշտոնյա:

Բացի այդ Գերմանիայի Հեսսեն նահանգում ապաստան ստանալու դիմում է ներկայացրել Գերմանիայի դաշնային անվտանգության ծառայության և Թուրքիայի անվտանգության ստորաբաժանումների միջև հարաբերությունները համակարգող բարձրաստիճան պաշտոնյաներից մեկը:

Դիմումների մանրամասները չեն հրապարակվել՝ հաշվի առնելով անձնական տվյալների պաշտպանության հարցում պետության պարտավորությունը:

Նշվում է, որ 2015 թվականի հուլիսի 15-ին Թուրքիայում իրականացված ռազմական հեղաշրջման փորձից հետո 6700-ից ավելի Թուրքիայի քաղաքացի Գերմանիայից ապաստան ստանալու դիմում է ներկայացրել: Նրանց մեջ կան նաև դիվանագիտական անձնագիր ունեցողներ:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։