Dubai TV. «Թուրք զինվորականները ճանապարհներ են փակում Կատարում»

Տարածաշրջան13:56, 22 Օգոստոս 2017

Dubai TV. «Թուրք զինվորականները ճանապարհներ են փակում Կատարում»

Արաբական Միացյալ Էմիրությունների (ԱՄԷ) «Dubai TV» հեռուստաընկերությունը հաղորդում է տարածել Կատարում գտնվող թուրքական ռազմաբազայի զինվորականների կողմից Դոհայում պարետային ժամ հայտարարելու մասին:

Ըստ թուրքական «Hurriyet» թերթի կայքի՝ արաբական հեռուստաալիքի հեռարձակած լուրի մեջ մասնավորապես նշվել է «Կատարի ընդդիմադիր աղբյուրները հայտնում են, որ թուրք զինվորականները փակել են Դոհայի որոշ ճանապարհներ և արգելում են մարդկանց անցումն այդ ճանապարհներով»:

Թուրքական թերթը, սակայն, հերքել է այդ լուրը՝ նշելով, որ ԱՄԷ-ն, որը հանդիսանում է Կատարի հետ հարաբերությունները խզած երկրներից մեկը, կեղծ լուրեր է տարածում Թուրքիայի վերաբերյալ: Ըստ աղբյուրի՝ այդպիսի լուրերի տարածման պատճառն այն է, որ հիմնականում արաբական երկրների կողմից Կատարի շրջափակումից հետո Թուրքիան ամեն կերպ աջակցում է Դոհային:

Թուրքական լրատվամիջոցն ավելի առաջ անցնելով, ԱՄԷ-ին մեղադրել է նաև 2016-ի հուլիսի 15-ին երկրում տեղի ունեցած հեղաշրջման փորձին աջակցելու մեջ:

Հիշեցնենք, որ հունիսի 7-ին Թուրքիայի կառավարությունը, քննարկման էր դրել և հաստատել Կատարի տարածքում բանակի և ժանդարմերիայի ստորաբաժանումներ տեղակայելու մասին հարցը։ Ուշագրավ է, որ այս հարցը արագացված կերպով հաստատվեց քննարկվեց ու հաստատվեց այն ժամանակ, երբ հուլիսի 5-ին Սաուդյան Արաբիան, Եգիպտոսը, Բահրեյնը, Արաբական Միացյալ Էմիրությունները, Եմենը, Լիբիան ու Մալդիվյան կղզիները Կատարի հետ խզել էին իրենց դիվանագիտական հարաբերությունները։

Աղբյուր` Ermenihaber.am