Տնտեսական07:10, 22 Օգոստոս 2017
Եվրոպական ներդրումային բանկը կարող է սահմանափակել Թուրքիային տրամադրվող վարկերը
Գերմանիան մտադիր է Թուրքիայի համար բարդացնել Եվրամիություն Եվրոպական ներդրումային բանկից վարկեր ստանալու գործընթացը: Այս մասին տեղեկացնում է թուրքական «Diken» թերթի կայքը:
Եվրոպական ներդրումային բանկում բաժնետոմսեր ունեն ԵՄ անդամ բոլոր 28 երկրները: Մինչ օրս բանկը Թուրքիային 25.8 մլրդ. լիրայի (շուրջ 7.37 մլրդ դոլար) վարկ է տրամադրել:
Այդ վարկերը հիմնականում տրամադրվել են Թուրքիայի կառավարությանը, իշխող «Արդարություն և զարգացում» կուսակցության (ԱԶԿ-AKP) ղեկավարած ՏԻՄ մարմինների ենթակառույցներին և «զարգացման նախագծերին» :
«Deutsche Welle»-ի թուրքական ծառայությանը հղում կատարող թուրքական կայքի համաձայն՝ գերմանացի պաշտոնյաները տեղեկացրել են, որ Թուրքիայի կողմից բանկին ներկայացված դիմումներին այսուհետ «այլ մոտեցում է ցուցաբերվելու»:
Պաշտոնյաները հիշեցրել են, որ Թուրքիան հեռացել է ԵՄ նպատակներից և ժողովրդավարական ու օրինական երկրի սկզբունքներից, ինչի պատճառով այսուհետ Թուրքիայի կառավարությանը, ԱԶԿ-ի տեղական ինքնակառավարման մարմիններին, իշխանությանը մոտ կանգնած տարբեր կառույցների և կազմակերպությունների տրամադրվող վարկերի համար որոշակի սահմանափակումներ կսահմանվեն:
«Թուրքիային տրամադրվող վարկերը լիովին չեն դադարեցվի. այն նախագծերը, որոնք հավանության կարժանանան, կշարունակեն աջակցություն ստանալ», - հավելել է գերմանացի պաշտոնյան, որի անունը չի նշվում:
Հիշեցնենք, որ Գերմանիան սահմանափակել է նաև դեպի Թուրքիա կատարվող արտահանումների և ներդրումների համար տրամադրվող «Hermes» վարկային երաշխիքների վերին շեմը: Գերմանացի պաշտոնյաների խոսքով՝ այսուհետ Թուրքիային կատարվող վճարումները «ավելի մանրակրկիտ կերպով կուսումնասիրվեն»:
Այս ենթաբաժնի վերջին նորությունները
Յաշար Գյուլերը նշել է, որ վճռական են զարգացնել համագործակցությունը ռազմարդյունաբերության ոլորտում
Դա Թուրքիայում հանրային լայն քննարկումների առիրթ է դարձել։
Թուրքիայի էներգետիկայի և բնական պաշարների նախարարն ու Ադրբեջանի էներգետիկայի նախարարն այցելել են Իզմիր նահանգում գտնվող «SOCAR Turkey»-ի արտադրական կայան:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ներքին գործերի նախարարը հայտնել է, որ պետությունը վճռականորեն կձեռնարկի անհրաժեշտ միջոցներ ցանկացած ապօրինի փորձի դեմ։
Հանդիպմանը կողմերն անդրադարձել են նաև տարածաշրջանային հարցերի։
Քրդամետ կուսակցության համանախագահը դատապարտել է 1955թ․ սեպտեմբերի 6-7-ին Թուրքիայում ոչ մուսուլմանների նկատմամբ իրականացված ջարդերը։
Իսկ 72%-ը չի հավատում, որ ՆԱՏՕ-ն կպաշտպանի Թուրքիային, եթե վերջինիս վրա հարձակվեն:
Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |