Միջազգային07:16, 21 Օգոստոս 2017
ՄԵրկելը՝ Թուրքիային. «Ինտերպոլի նման կառույցները չպետք է չարաշահել»
Գերմանիայի կանցլեր Անգելա Մերկելը քննադատել է Ինտերպոլի միջոցով Գերմանիայի քաղաքացի, գրող Դողան Աքհանլըին Իսպանիայում ձերբակալելու Թուրքիայի քայլը:
«BBC Türkçe»-ի համաձան՝ Մերկելը մասնավորապես ասել է. «Այդ քայլը ճիշտ չէր, և ես շատ ուրախ եմ, որր Իսպանիան Աքհանլըին ազատ է արձակել: Ինտերպոլի նման միջազգային կառույցները չպետք է չարաշահվեն նմանատիպ նպատակների համար»:
Գերմանիայի կանցլերը հավելել է, որ Դողան Աքհանլըի միջադեպը, ցավոք, բազմաթիվ նմանատիպ դեպքերից միայն մեկն է:
«Դա է պատճառը, որ մենք կարճ ժամանակ առաջ մեծապես փոխեցինք Անկարայի նկատմամբ մեր քաղաքականությունը: Էրդողանի այս քայլերը անընդունելի են», - հավելել է Մերկելը:
Նշենք, որ նախորդ շաբաթ Դողան Աքհանլըն Թուրքիայի պահանջով ձերբակալվել էր Իսպանիայի Գրանադա քաղաքում. նրա վերաբերյալ Ինտերպոլը ձերբակալման «կարմիր արտոնագիր» էր տվել:
Գերմանիայի արտգործնախարար Զիգմար Գաբրիելը իր իսպանացի պաշտոնակից Ալֆոնսո Դաստիսից խնդրել էր Աքհանլըին չարտահանձնել Թուրքիա, և գործընթացի մեջ ներառել նաև Գերմանիային:
Մադրիդի դատարանը 40-օրյա ժամկետ է նշանակել՝ ձերբակալվածի արտահանձնումը Թուրքիային հիմնավորելու համար: Այդ ընթացքում Աքհանլըն ազատության մեջ կլինի, բայց իրավունք չի ունենա լքել Իսպանիայի տարածքը: Բացի այդ, նա շաբաթական մեկ անգամ պետք է ներկայանա ոստիկանություն:
Թուրքիայում ծնված Դողան Աքհանլըն որպես քաղբանտարկյալ երկու տարի թուրքական բանտում անցկացնելուց հետո՝ 1990-ականների սկզբին փախել է Գերմանիա: 2010թ. հոր ծանր հիվանդության պատճառով Թուրքիա վերադարձած գրողը ձերբակալվել է հենց օդանավակայանում, ապա կալանավորվել:
Աքհանլըն մեղադրվում է 1989թ. մեկ մարդու սպանությամբ ավարտված մի կողոպուտի մասնակցության մեջ: Ապացույցների բացակայության պատճառով որոշ ժամանակ անց ազատ արձակված Աքհանլըի նկատմամբ ավելի ուշ ցմահ բանտարկության պահանջով նոր քրեական գործ է հարուցվել:
Այս ենթաբաժնի վերջին նորությունները
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |