Իրավական12:58, 16 Օգոստոս 2017
ԱՄՆ զեկույց.«Թուրքիան փորձում է միջամտել Պոլսո Հայոց պատրիարքի ընտրությանը»
ԱՄՆ-ի պետքարտուղարության կողմից հրապարակվել «Կրոնական ազատությունը աշխարհում 2016թ.-ին» խորագրով զեկույցը, որը պատրաստվել է ԱՄՆ-ի կոնգրեսի դիվանագետների կողմից:
Ըստ թուրքական «Birgun» թերթի կայքի՝ զեկույցի վերաբերյալ մամուլի ասուլիսի ժամանակ ԱՄՆ պետքարտուղար Ռեքս Թիլլերսոնը քննադատություններ է հնչեցրել Թուրքիայի, Չինաստանի, Սաուդյան Արաբիայի, Բահրեյնի և Սուդանի հասցեին:
Ամերիկացի պաշտոնյան ասել է, որ Թուրքիայում ոչ սուննի մահմեդականները պետության կողմից պաշտպանված չեն: Մասնավորապես տեղի ալևիները, հրեաները, ինչպես նաև բողոքականները մշտապես սպառնալիքներ են ստանում:
«Թուրքիայի պաշտոնյաները շարունակում են սահմանափակել կրոնական փոքրամասնություն ներկայացնող որոշ խմբերի իրավունքները: Որոշ կրոնական համայնքներ շարունակում են պետության հետ իրենց անշարժ գույքերի վերաբերյալ խնդիրներ ունենալ»,-ասել է Թիլլերսոնը:
Վերջինիս նաև խոսել է գյուլենականների հետ կապ ունենալու մեղադրանքով Թուրքիայում ամերիկացի հոգևորական Էնդրյու Բրունսոնի ձերբակալության մասին: Նա վերջինիս ձերբակալությունը որակել է որպես անօրինական քայլ:
«Ակոս»-ում տեղ գտած տեղեկության համաձայն՝ զեկույցում անդրադարձ է կատարվել նաև Պոլսի հայոց պատրիարքի ընտրության գործընթացին: Նշվել է, որ պետությունը փորձում է միջամտել ընտրություններին:
Բացի այդ հիշատակվել է Դիարբեքիրի Սուր շրջանում եկեղեցիների պետականացմանը: Մասնավորապես նշվել է, որ սպասվում էր, որ շրջանում տեղի ունեցած բախումների հետևանքով մեծ վնաս կրելուց հետո, այդ եկեղեցիները կվերադարձվեին համապատասխան համայնքների հիմնադրամներին :
«Ոչ մահմեդական խմբերի մեծ մասը ապրում են Ստամբուլում և այլ խոշոր քաղաքներում: Հստակ թվերը չգիտենք, բայց համայնքների ներկայացրած տվյալներով Թուրքիայում ապրում է 90 հազար հայ, որից 60 հազար են հանդիսանում Թուրքիայի քաղաքացի, մնացած 30 հազարը անօրինական կարգավիճակով է գտնվում երկրում: Մնացած ոչ մահմեդական համայնքների թվերը հետևյալն են. 17հազար հրեա, 2 5 հազար կաթոլիկ հույն, 25 հազար ուղղափառ ասորի, 22 հազար եզդի, 15 հազար ռուս, 5000 եհովայի վկա, 2000 ուղղափառ հույն»,-նշված է եղել զեկույցում:
Վերջում անդրադարձ է կատարվել նաև Ստամբուլի Թուզլա շրջանում գտնվող հայ որբերի ամառային ճամբարի ՝ «Քամփ Արմեն»-ի՝ հայկական համայնքին վերադարձնելու հարցին: Նշվել է, որ այն վերադարձնելու համար պահանջվեց ուղիղ 175 օր:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |