«Yenisafak». Սիրիայում քրդական ուժերի կազմում կռվող հայ է զոհվել

Տարածաշրջան14:00, 16 Օգոստոս 2017

«Yenisafak». Սիրիայում քրդական ուժերի կազմում կռվող հայ է զոհվել

Սիրիայում զոհվել է Նուբար Օզանյանը, որը կռվում էր Սիրիայի քրդական «Ժողովրդավարական միություն կուսակցության» (PYD) շարքերում:

Այս մասին տեղեկացնում է թուրքական «Yenisafak» թերթի կայքը՝ նշելով, որ Օզանյանը «Թուրքիայի կոմունստական կուսակցության» ղեկավարներից էր:

Կայքում հրապարակված նյութում նշվում է, որ Օզանյանը Սիրիայի Լաթաքիա շրջանում մի որոշ ժամանակ մարզել է Թուրքիայից Սիրիա անցած անձանց:

Թուրքական աղբյուրի պնդմամբ՝ Նուբար Օզանյանը 1991-1992թթ մասնակցել է ղարաբաղյան պատերազմին՝ կռվելով հայկական ուժերի կազմում:

Նշենք, որ PYD-ն Սիրիայում պայքարում է «Իսլամական պետություն» ահաբեկչական կազմակերպության դեմ և այդ պայքարի շրջանակներում ռազմական օգնություն է ստանում ԱՄՆ-ից:

Թուրքիան բազմիցս քննադատել է ԱՄՆ-ին քրդական կառույցին օժանդակելու համար, քանի որ PYD-ին նույնականացնում են «Քրդստանի բանվորական կուսակցության» (PKK) հետ՝ երկուսն էլ համարելով ահաբեկչական կառույց:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։