Թուրքիայում հաքերների հատուկ ուսուցում կկազմակերպվի

Հասարակական09:30, 16 Օգոստոս 2017

Թուրքիայում հաքերների հատուկ ուսուցում կկազմակերպվի

Թուրքիայի Տեղեկատվական տեխնոլոգիաների և կապի կազմակերպությունը (BTK) և Տեղեկատվական տեխնոլոգիաների միությունը (TBD) համատեղ նախաձեռնությամբ կպայքարեն հետզհետե աճող կիբեր հարձակումների դեմ: Երկու ընկերությունները համատեղ գիտաժողով և հաքերության դասեր կկազմակերպեն: Գիտաժողովին կմասնակցեն Թուրքիայի 10 համալսարանների ռեկտորները, կքննարկվեն կիբեր անվտանգությունը որպես մասնագիտություն դասավանդմանը վերաբերող խնդիրներ:

Այս առթիվ կազմակերպված մամուլի ասուլիսի ժամանակ Թուրքիայի Տեղեկատվական տեխնոլոգիաների միության նախագահ Ռահմի Աքթեփեն նշել է, որ ռեկտորների հանդիպումը կկայանա դեկտեմբերի 20-21-ին:

«Մենք համոզված ենք, որ մարդկանց կրթելու, տեղեկատվական տեխնոլոգիաներից գիտակից և կրթված կերպով օգտվող օգտատերեր դաստիարակելու համար միջնակարգ և ավագ դպրոցների ուսումնական ծրագրերին պետք է հավելել ծածակագիր գրելու, ինտերնետից և սոցիալական ցանցերից անվտանգ օգտվելու դասընթացներ: Այս ոլորտում իրազեկվածության աստիճանը բարձրացնելու նպատակով մեր ընկերությունը աշխատում է շուրջ 20.000 ուսանողի ծրագրավորման դասընթացներ ներառող սոցիալական նախագծի վրա», - նշել է Աքթեփեն:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։