Քաղաքական12:37, 16 Օգոստոս 2017
Էրդողանի խոսնակը մեկնաբանել է. «Հանրապետություն» բառն ավելորդություն էր»
Թուրքիայի նախագահի խոսնակ Իբրահիմ Քալընը մեկնաբանել է Էրդողանի թվիթերյան միկրոբլոգից «հանրապետություն» բառի հեռացման փաստը: Թուրքական «Diken» թերթի կայքի տեղեկացմամբ՝ Քալընը կարծիք է հայտնել, թե այդ փոփոխության մեջ որևէ տարօրինակ բան չկա:
Խոսնակը նշել է, որ «Թուրքիայի նախագահ» արտահայտությունը նոր չէ. այն օգտագործվել է հինգերորդ նախագահ Ջևդեթ Սունայի (1966-1973թթ.) ժամանակներից սկսած՝ բոլոր նախագահների կողմից:
«Ջևդեթ Սունայը, Ֆահրի Քորություրքը, Օզալը, Դեմիրելը, Սեզերը, պարոն Աբդուլլահ Գյուլը իրենց մի շարք հրավիրատոմսերում օգտագործել են «Թուրքիայի նախագահ» արտահայտությունը: Նունիսկ 2014թ. նախագահական ընտրությունների վերաբերյալ Կենտրոնական ընտրական հանձնաժողովի կողմից Պաշտոնական թերթում հրատարակված որոշման մեջ կարելի է տեսնել «Ընտրվել է որպես Թուրքիայի նախագահ» արտահայտությունը», - ասել է Քալընը: Նրա խոսքով՝ Ռեջեփ Թայիփ Էրդողանի անունից 2014թ.-ից հետո ուղարկված բոլոր հրավիրատոմսերում ևս օգտագործվել է «Թուրքիայի նախագահ» ձևակերպումը:
Խոսնակը հավելել է, որ այս հարցով իրենք դիմել են նաև Թուրքիայի լեզվաբանական ընկերությանը (TDK), և ընկերությունը մեկնաբանել է, որ Թուրքիայի հանրապետության նախագահ (թուրքերեն՝ Türkiye Cumhuriyeti Cumhurbaşkanı) արտահայտության մեջ «Cumhuriyet» և «Cumhurbaşkanı» բառերն ըստ էության կրկնաբանություն են և քերականական տեսակետից «Cumhuriyet»-ը (հանրապետություն) միանգամայն ավելորդ է:
Հավելենք, որ «Cumhurbaşkanı» բառն իրականում նշանակում է ոչ թե պարզապես նախագահ, այլ հենց «հանրապետության նախագահ» և Քալընի մեկնաբանություններն այս առումով բավականին տրամաբանական են. «Türkiye Cumhuriyeti Cumhurbaşkanı» արտահայտությունը բառացի թարգմանելիս կստացվի «Թուրքիայի Հանրապետության հանրապետության նախագահ»:
Հիշեցնենք, որ նախօրեին Ռեջեփ Թայիփ Էրդողանը Twitter-ի իր միկրոբլոկից հեռացրել էր «հանրապետություն» բառը՝ ներկայանալով միայն որպես «Թուրքիայի նախագահ»: Աս փոփոխությունը հարուցել է լրատվամիջոցների ու որոշ ընդդիմադիր գործիչների զարմանքն ու դժգոհությունը:
Այս ենթաբաժնի վերջին նորությունները
Օրենքի նախագիծը 28 պատգամավորի ստորագրությամբ արդեն ներկայացվել է Թուրքիայի ազգային մեծ ժողով։
Թուրքիայի հետախուզության ղեկավարը շեշտվել է, որ Թուրքիան Իրաքի թուրքմենների կողքին է։
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Հալուք Բայրաքթարը նշել է, որ իրենց նպատակն է այդ ներդրումը դարձնել հաջողության պատմություն ոչ միայն Թուրքիայի, այլև Իտալիայի համար:
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |