Թուրքիայում գործազրկությունն ավելացել է

Տարածաշրջան09:41, 15 Օգոստոս 2017

Թուրքիայում գործազրկությունն ավելացել է

Թուրքիայի վիճակագրական ընկերությունը (ԹՎԸ-TÜİK) հրապարակել է 2017թ. 2-րդ եռամսյակին (ապրիլ, մայիս, հունիս) գրանցված գործազրկության տվյալները: Թուրքական «Demokrathaber.org» լրատվակայքի համաձայն՝ 15 տարեկանից բարձր տարիքի քաղաքացիների շրջանում գործազուրկների թիվը նախորդ տարվա փետրվարի համեմատ աճել է 330.000-ով՝ հասնելով 3 մլն 225.000-ի:

Գործազրկության մակարդակը, այսպիսով, աճել է 0.8 տոկոսով՝ կազմելով 10.2 տոկոս: Նշված ժամանակահատվածում ոչ գյուղատնտեսական ոլորտում գործազրկությունը աճել է 2.1 տոկոսով՝ հասնելով 14.8 տոկոսի: 15-24 տարիքային խմբում գործազրկության մակարդակը աճել է 4.7 տոկոսով՝ կազմելով 23.3 տոկոս, իսկ 15-64 տարիքային խմբում աճել է 1.1 տոկոսով՝ հասնելով 12.9 տոկոսի:

2017 մայիսին աշխատանք ունեցողների թիվը նախորդ տարվա նույն ժամանակաշրջանի համեմատ աճել է 500.000-ով՝ կազմելով 26 մլն 956.000: Ընդ որում, գյուղատնտեսության ոլորտում աշխատում է աշխատանք ունեցողների 18.7 տոկոսը, արդյունաբերության ոլորտում՝ 19.5 տոկոսը, շինարարությունում՝ 6.7 տոկոսը, սպասարկման ոլորտում՝ 55.2 տոկոսը:

Նշված ժամանակահատվածում աշխատունակ քաղաքացիների թիվն ավելացել է 1 մլն 175.000-ով՝ կազմելով երկրի բնակչության 51.8 տոկոս: Մայիսի ընթացքում չգրանցված աշխատողների թիվը նախորդ տարվա նույն ամսվա համեմատ աճել է 0.7 տոկոսով՝ կազմելով 32.8 տոկոս:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։