Աբդուլլահ Գյուլը չի մասնակցի ԱԶԿ-ի հիմնադրման 16 ամյակի միջոցառմանը

Քաղաքական07:21, 15 Օգոստոս 2017

Աբդուլլահ Գյուլը չի մասնակցի ԱԶԿ-ի հիմնադրման 16 ամյակի միջոցառմանը

Թուրքիայի նախկին նախագահ Աբդուլլահ Գյուլը չի մասնակցելու իշխող «Արդարություն և զարգացում» (ԱԶԿ-AKP) կուսակցության հիմնադրման 16 ամյակին նվիրված միջոցառումանը: Ըստ թուրքական «OdaTV» հեռուստաընկերության լրատվակայքի՝ այդ մասին հայտնել է ԱԶԿ-ի խոսնակ Մահիր Ունալը կուսակցության կենտրոնական գործադիր խորհրդի ժողովից հետո:

Անկարայում տեղի ունենալիք միջացառմանը, որին հրավիրվել է 6000 մարդ, ելույթներով հանդես կգան Թուրքիայի նախագահ Ռեջեփ Թայիփ Էրդողանը և վարչապետ Բինալի Յըլդըրըմը:

Ունալը նշել է, որ Գյուլը արարողության չմասնակցելու համար հարգելի պատճառ է ունեցել: Գյուլին միջոցառման հետ կապված ուղարկվել է հրավեր: Բացի այդ էլ Թուրքիայի նախկին նախագահը Ռեջեփ Թայիփ Էրդողանի կողմից անձամբ է հրավիրվել:

ԱԶԿ-ի խոսնակը հանրությանy տեղեկացրել է, որ միջոցառմանը կմասնակցեն Թուրքիայի նախկին արտգործնախարար Ահմեթ Դավութօղլուն, Թուրքիայի խորհրդարանի նախկին նախագահ Ջեմիլ Չիչեքը, ԱԶԿ-ի հիմնադիրներից Բյուլենթ Արինչը և մի շարք այլ ԱԶԿ-ականներ:

Հիշեցնենք, որ կուսակցությունը հիմադրվել էր 2001թ.

Աղբյուր` Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: