Հասարակական07:21, 02 Օգոստոս 2017
Պատմական Երզնկայի հայկական Սուրբ Տրդատ վանական համալիրը սեփականաշնորհվել է
Ներկայիս Թուրքիայի Էրզինջան (պատմական հայկական Երզնկա) նահանգում գտնվող հայկական Սուրբ Տրդատ վանական համալիրը սեփականաշնորհվել է: Այս մասին տեղեկացնում է թուրքական «Dihaber.net» լրատվակայքը:
Սասունի հայերի միության նախագահ Ազիզ Դաղջըի խոսքով՝ պետությունը եկեղեցու սեփականության իրավունքը տրամադրել է 16 գյուղացիների: «Այժմ եկեղեցի գնալու, աղոթելու համար ոչ թե պետությունից, այլ սեփականատերերից պետք է թույլտվություն ստանանք», - նշել է Դաղջըն:
Էրզինջանի Քամահ շրջանի Դողանքյոյ (Թորթան) գյուղում գտնվող վանական համալիրը 2005թ. «Դողանքյոյի եկեղեցի» անվամբ ներառվել էր հատուկ պահպանվող տարածքների ցանկում: Ավելի ուշ Սուրբ Տրդատը գանձախույզների հարձակումների թիրախ էր դարձել:
2017թ. մայիսի 23-ին վանական համալիրը պաշտոնապես սեփականության էր տրվել Յուսուֆ Դյունդար, Մեհմեթ Դյունդար և Ռըզա Դեմիրբաշ անվամբ երեք գյուղացիների: Վերջիններիս մահից հետո էլ Սուրբ Տրդատը, փաստորեն, դարձել էլ նրանց 16 ժառանգների համատեղ սեփականությունը:
Փաստի վերաբերյալ մեկնաբանություն կատարած Ազիզ Դաղջըն հիշեցրել է, որ եկեղեցին չի կարող սեփականաշնորհվել որևէ անհատի կողմից: Համաձայն եկեղեցական հիմնադրամների մասին օրենքի՝ եկեղեցին փոքրամասնություններն պետք է պատկանի. «Եթե հայերը որևէ միություն կամ հիմնադրամ ստեղծեն, այն ժամանակ կարող են ձեռք բերել եկեղեցու սեփականության իրավունքը: Եթե միայն մեկ հայ մնա ու նա էլ մեռնի, այն ժամանակ այդ մարդիկ կարող են սեփականաշնորհել եկեղեցին: Բայց, ինչպես տեսնում ենք, մենք՝ հայերս, այստեղ ենք, իսկ եկեղեցին ուրիշներին է տրվել»:
Դաղջըն հավելել է, որ Թուրքիայում գտնվող հայկական եկեղեցիները ենթակա են պատրիարքարանին, հետևաբար դրանք չեն կարող սեփականաշնորհվել որևէ մեկի կողմից: Իսկ սեփականաշնորհվելու դեպքում, ըստ Սասունի հայերի միության նախագահի, խախտվում են Եվրոպայի մարդու իրավունքների կոնվենցիայի և Լոզանի պայմանագրի դրույթները:
Այս ենթաբաժնի վերջին նորությունները
Թուրքիայի վիճակագրական ինստիտուտի համաձայն՝ նրանց թիվը հասնում է 13 միլիոնի։
Լարա լողափում մեկնարկել է «Անթալյայի ավազե արձանների 18-րդ փառատոնը»: Այս տարի այն այցելուներին իր դռներն է բացել «Տիեզերական արկած» խորագրով:
Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին։
Լավագույն տասնյակի մեջ Թուրքիայի զինված ուժերը զբաղեցնում են 3-րդ հորիզոնականը։
Իզմիրի նահանգապետարանը քառօրյա ժամկետով արգելել է ցույցեր ու բողոքի ակցիաներ կազմակերպելը։
Ռուսաստանը թուրքական նավահանգիստների միջոցով վառելիքի վաճառքից ստացել է մոտ 3 մլրդ եվրո։
Թուրքիայի վիճակագրական ինստիտուտի համաձայն՝ նրանց թիվը հասնում է 13 միլիոնի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |