Բախում Թունջելիում. կա 3 զոհ

Տարածաշրջան13:09, 01 Օգոստոս 2017

Բախում Թունջելիում. կա 3 զոհ

Օգոստոսի 1-ին առավոտյան Թուրքիայի Թունջելի (Դերսիմ) Օվաջըք շրջանում թուրք ուժայինները գործողություն են իրականացրել «Մաոիստական կոմունիստական կուսակցության» (MKP) ռազմական թևի՝ «Ժողովուրդների փրկության բանակ»-ի զինյալների դեմ:

Ըստ թուրքական «Ihlas» լրատվական գործակալության՝ սպանվել է 3 զինյալ:

Աղբյուրը տեղեկացնում է, որ օպերացիայի ժամանակ թուրքական ԶՈՒ-ն օգտագործել է ինքնակառավարվող հրթիռներ, ինչպես նաև անօդաչու թռչող սարքեր և « Sikorsky » ռազմական ուղղաթիռներ:

Ռազմական աղբյուրների համաձայն՝ սպանված զինյալներից մեկը հանդիսանում էր կուսակցության Թունջելիի պատասխանատուն:

Նշենք, որ «Մաոիստական կոմունիստական կուսակցություն»-ը (MKP) գործունեություն է ծավալում Թուրքիայի Թունջելի, Օրդու, Քասթամօնու, Գիրեսուն նահանգներում:Նպատակը մարքսիզմ-լենինինիզմի գաղափարախոսության տարածումն է Թուրքիայի տարածքում: Թուրքիայի Հանրապետության կողմից որակվում է որպես ահաբեկչական կազմակերպություն:

MKP-ն հիմնադրվել է 1994թ: Կուսակցության անդամները համարում, են, որ իրենց կուսակցությունը հանդիսանում է 1971թ. Թուրքիայում հիմնադրված «Թուրքիայի կոմունիստական կուսակցության» (TKP/M-L) ժառանգորդը:

Կուսակցության ռազմական թևի ամենաաղմկահարույց գործողությունը եղել է 2014թ.-ին, երբ նրանք հարձակվել էին Թունջելիում գտնվող ոստիկանական բաժանմունքի վրա:

Աղբյուր` Ermenihaber.am