Թուրքիայում կալանավորվել է նախկին բրիտանացի զինվոր

Տարածաշրջան08:31, 31 Հուլիս 2017

Թուրքիայում կալանավորվել է նախկին բրիտանացի զինվոր

Հուլիսի 26-ին Թուրքիայի Այդըն նահանգի Դիդիմ շրջանում կալանավորվել է նախկին բրիտանացի զինվոր Ջո Ռոբինսոնը, ով իր բուլղարացի ընկերուհու հետ հանգիստն էր անցկացնում Թուրքիայում:

Թուրքական «Aksam» թերթի կայքը, հղում անելով «Haberturk»-ին, նշում է, որ նա նախկինում Սիրիայի քրդերի հետ միասին կռվել է «Իսլամական պետություն» (ԻՊ) ահաբեկչական կազմակերպության դեմ:

Ոստիկանությունը նրան մեղադրում է Սիրիայի քրդական ուժերին անդամակցելու մեջ: Բերման է ենթարկվել նաև Ռոբինսոնի ընկերուհին և մայրը: Նրանք նույնպես Թուրքիայում էին գտնվում:

Ռոբինսոնը Թուրքիայի ոստիկանությանը տված ցուցմունքում ասել է. «Սիրիայի քրդերից զենք եմ գնել, սակայն երբեևիցե նրանց կռիվներին չեմ մասնակցել»:

Նշվում է նաև, որ 2012թ. Ռոբինսոնը ծառայել է Մեծ Բրիտանիայի բանակում և համալրել է այն բրիտանացի զինվորների շարքերը, որոնք պետության կողմից ուղարկվել են Աղֆանստան: