Միջազգային08:18, 26 Հուլիս 2017
Ավստրիայի վարչապետը Թուրքիայի՝ ԵՄ անդամակցությունն անհնար է համարում
Ավստրիայի վարչապետ Քրիստիան Քերնը հայտարարել է, որ Թուրքիայի անդամակցությունը Եվրամիությանը (ԵՄ) անհնար է: Այս մասին հայտնում է թուրքական «Diken» լրատվական կայքը` հղում անելով գերմանական «Frankfurter Allgemeine Zeitung» թերթում հրապարակված Քերնի հարցազրույցին:
Քերնը նաև ընդգծել է, որ Թուրքիայի հետ ԵՄ-ի Մաքսային Միության ընդլայնման գործընթացը հնարավոր կլինի, եթե Թուրքիան կյանքի կոչի իրավական պետության կայացման համար անհրաժեշտ պայմանները:
Քերնը նշել է, որ քանի դեռ Թուրքիայում ընդդիմադիր «Cumhuriyet» թերթի աշխատակիցների նկատմամբ ցուցադրական դատավարությունն է տեղի ունենում կամ ընդդիմադիր պատգամվոր Էնիս Բերբերօղլուն իր պարտականությունները կատարելու համար ազատազրկման է դատապարտվում, ԵՄ-ի Մաքսային Միության ընդլայնումը հնարավոր չէ:
Ըստ Քերնի՝ Թուրքիան Եվրոպայի հետ մերձեցման հարցում պետք է քայլեր կատարի, և միայն այդ քայլերից հետո Մաքսային Միության ընդլայնումը կարող է ԵՄ-Թուրքիա նոր հարաբերությունների առանցաքային տարր դառնալ:
Ավստրիայի կառավարության ղեկավար համոզված է, որ Եվրոպան տնտեսական առումով Թուրքիայից որևէ կախվածություն չունի, դեռ հակառակը Թուրքիան կախում ունի Եվրոպայի և Արևմուտիքց:
«Թուրքիայում անմիջական ներդրումների մեծ մասն Արևմուտքն է անում: Եթե Արևմուտքը հետ քաշվի, կտեսնենք, թե Թուրքիայում տեղի ունեցող զարգացումները ինչ ընթացք կստանան»:
Նշենք, որ Թուրքիան ԵՄ Մաքսային Միությանը միացել է 1995 թվականին, ինչի շնորհիվ Թուրքիայի և ԵՄ-ի միջև առևտրաշրջանառությունն ավելացել է 4 անգամ: Թուրքիայի արտաքին առևտրի 40 տոկոսը բաժին է հասնում ԵՄ երկրներին: Թուրքիայում ուղղակի ներդրումների 1/3-ը կատարում են ԵՄ ընկերությունները: Գերմանական ընկերությունները Թուրքիայում 12 միլիարդ եվրոյի ներդրում են արել, որը արտասահմանյան ներդրումները 10 տոկոսն է կազմում:
Այս ենթաբաժնի վերջին նորությունները
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |