Տարածաշրջան08:53, 24 Հուլիս 2017
Թուրքիայի վարչապետն ու նախագահն Իսրայելին կոչ են անում հետ կանգնել «սխալ ուղուց»
Թուրքիայի վարչապետ Բինալի Յըլդըրըմն անդրադարձել է Երուսաղեմի Ալ Աքսա մզկիթի շուրջ ստեղծված լարված դրությանը: Թուրքական «Haberler» լրատվական կայքի տեղեկացմամբ՝ Յըլդըրըմը Twitter-ի միկրոբլոգում Իսրայելի իշխանություններին կոչ է արել հետ դառնալ «սխալ ուղուց»:
Դատապարտելով ահաբեկչությունն, որն ըստ նրա կրոն, լեզու և ռասա չի ճանաչում` Յըլըդրըմը նշել է. «Որևէ պատրվակով մահմեդականների մուտքի սահմանփակումը Ալ Աքսա մզիկթ անընդունելի է: Ակնկալում ենք, որ Իսրայելի իշխանությունները, հաշվի առնելով իսլամական աշխարհի զգացումնքները, վայրկյան առաջ հետ կկանգնեն սխալ ուղուց»:
Երուսաղեմում տիրող իրավիճակի մասին խոսել է նաև Թուրքիայի նախագահ Ռեջեփ Թայիփ Էրդողանը:
Ծոցի երկրներ այցից առաջ Էրդողանը Աթաթուրքի անվան օդանավակայանում պատասխանել է լրագողների հարցերին: Անդրադառնալով Ալ Աքսա մզկիթի դեպքերին` Էրդողանը նշել է. «Որպես Իսլամական համագործակցության կազմակերպության վեհաժողովի գործող նախագահ, Իսրայելի գործող իշխանություններին ևս մեկ անգամ կոչ եմ անում գործել համակեցության կանոններին, օրենքին և մարդկային հիմնարար արժեքներին համապատասխան»:
Հիշեցնենք, որ Իսրայելի իշխանությունները որոշել էին Երուսաղեմում իսլամական սրբավայրի մոտ անվտանգության միջոցառումներն ուժեղացնել: Այդ որոշմանը նախորդել էր տաճարի տարածքում երկու ոստիկանի սպանությունը: Ինչից հետո Իսրայելն արգելել էր ուրբաթօրյա աղոթքը, իսկ հետո նաև տեղադրել մետաղորսիչ սարքեր: Հարյուրավոր արաբ-մահմեդականներ ի նշան բողոքի ուրբաթօրյա աղոթք էին արել Երուսաղեմի փողոցներում: Քաղաքի մի քանի շրջաններում բախումներ էին հրահրվել իսրայելական ոստիկանության դեմ: Իրավապահները ցուցարարների դեմ հատուկ միջոցներ են կիրառել:
Պաղեստինն էլ հայտարարել էր Իսրայելի հետ կապերը խզելու մասին: Պաղեստինի առաջնորդ Մահմուդ Աբասը նշել էր, որ Իսրայելի հետ բոլոր շփումները բոլոր մակարդակներում սառեցնում են, մինչև որ Իսրայելը չվերանայի իր քաղաքականությունը Երուսաղեմի եւ Ալ-Աքսա մզկիթի նկատմամբ:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշվում է, որ համագործակցության շրջանակում այց է կատարվել Ադրբեջանի ռազմածովային ուժերին պատկանող ուսումնական կենտրոններ ու նավաշինարաններ։
Թուրքիայի նախագահը հեռախոսազրույց է ունեցել Պակիստանի վարչապետի հետ։
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։
Նրան X-ում հետևում է շուրջ 10 մլն մարդ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |