Տնտեսական13:13, 17 Հուլիս 2017
«Sözcü». Թուրքիան էներգետիկ առումով ավելի է «կապվում» Ռուսաստանի հետ
Թուրքիան էներգետիկայի ոլորտում ավելի մեծ կախվածության մեջ է ընկնում Ռուսաստանից: Նման բնորոշում է տվել թուրքական «Sözcü» թերթը:
Աղբյուրի տեղեկացմամբ՝ ռուսական «Գազպրոմ» ընկերության կողմից Թուրքիային և Եվրոպային մատակարարվող բնական գազի ծավալներն ավելացել են 12 տոկոսով:
«Գազպրոմի» հրապարակած զեկույցի համաձայն՝ Ռուսաստանից ամենաշատ բնական գազ է արտահանվում դեպի Գերամանիա (ընդհանուր վաճառքի 16.7 տոկոսը): 2016թ. հուլիսից մինչև 2017թ. հուլիս ընկած ժամանակահատվածում ռուսական ընկերությունն ընդհանուր առմամբ վաճառել է 248.2 մլրդ խմ գազ:
Նշենք, որ ռուսական «Գազպրոմ» ու թուրքական «Բոթաշ» ընկերությունները համատեղ իրականացնում են «Թուրքական հոսք» խոշորագույն գազատարի կառուցման նախագիծը, որը մեկնարկել է օրեր առաջ: Նախատեսվում է, որ գազատարը տարեկան շուրջ 15.75 միլիարդ խմ գազ կմատակարարի Թուրքիային:
Վիճակագրական տվյալների համաձայն՝ 2016թ. Թուրքիային ամենից շատ բնական գազ վաճառող երկիրը եղել է հենց Ռուսաստանը՝ 24 մլրդ 540 մլն խմ: Երկրորդ տեղում Իրանն է՝ 7 մլրդ 705 մլն խմ և Ադրբեջանը՝ 6 մլրդ 480 մլն խմ արդյունքով:
Աղբյուրի համաձայն՝ ռուս-թուրքական հարաբերությունների սրման ժամանակահատվածում թուրքական կողմի ամենամեծ մտավախությունն այն էր, որ Ռուսաստանը կարող է դադարեցնել գազի մատակարարումը:
2015թ. նոյեմբերի 24-ին խոցված ռուսական ինքնաթիռի միջադեպից հետո Թուրքիան Կատարի հետ համաձայնության է եկել՝ հեղուկ բնական գազի ներմուծման ծավալների ավելացման վերաբերյալ: Ներկայումս Թուրքիան հեղուկ բնական գազ է ներմուծում 7 երկրից, որոնց թվում Կատարից ներմուծման ծավալը կազմում է 68.5 տոկոս:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |