Իրավական08:04, 17 Հուլիս 2017
ԱՄՆ-ի թուրքերը ստորագրահավաք են սկսել Գյուլենին արտահանձնելու համար
ԱՄՆ-ում բնակվող թուրքերը Սպիտակ տան պաշտոնական կայքում ստորագրահավաք են սկսել իսլամի քարոզիչ, ամերիկաբնակ միլիադատեր Ֆեթթուլահ Գյուլենի արտահանձման հարցով, ում մեղադրում են հուլիսի 15-ի ռազմական հեղաշրջման փորձը նախաձեռնելու մեջ: Ըստ թուրքական «Haberler» լրատվամիջոցի՝ նշյալ ստորագրահավաքի մասին լուրը տեղադրված է կայքէջի «Դիմումներ» բաժնում:
Աղբյուրը շեշտում է, եթե 30 օրվա ընթացքում հավաքվի 100 հազար ստորագրություն, ապա ամերիկացի պաշտոնյաները հարցը կդնեն քննարկման:
Կազմակերպիչներն ամերկյան ղեկավարությանը կոչ են անում շուտափույթ կերպով Գյուլենին արտահանձնել Թուրքիա, որպեսզի հեղաշրջման փորձի ժամանակ կորուստներ կրած մարդկանց ընտանիքների վիշտը մեղմացվի:
Նշվում է, նաև, որ նշյալ նախաձեռնությունը կազմակերպվել է ռազմական հեղաշրջման փորձի տարելիցի շրջանակներում:
Հիշեցնենք, որ 2016թ. հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ է կատարվել, որը, սակայն, հուլիսի 16-ի դրությամբ արդեն լիովին ճնշվել էր: Օդուժի կիրառմամբ իրագործված հեղաշրջման փորձի հետևանքով, ըստ պաշտոնական տվյալների, եղել է 248 զոհ և 2.196 վիրավոր: Հեղաշրջման փորձից հետո Թուրքիայում զանգվածային ձերբակալություններ են տեղի ունենում:
Այս ենթաբաժնի վերջին նորությունները
Թուրքիայում ազատազրկված անձանց թիվը ներկա դրությամբ հասնում է 362.000-ի։
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հանդիպմանը կողմերն անդրադարձել են նաև տարածաշրջանային հարցերի։
Քրդամետ կուսակցության համանախագահը դատապարտել է 1955թ․ սեպտեմբերի 6-7-ին Թուրքիայում ոչ մուսուլմանների նկատմամբ իրականացված ջարդերը։
Իսկ 72%-ը չի հավատում, որ ՆԱՏՕ-ն կպաշտպանի Թուրքիային, եթե վերջինիս վրա հարձակվեն:
Դա Թուրքիայում հանրային լայն քննարկումների առիրթ է դարձել։
Թուրքիայի նախագահ. «Մենք կատեգորիկ թույլ չենք տա, որ խաթարվեն մեր փողոցները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |