Թուրքիան հրետանակոծել է Սիրիայի քրդական ուժերի դիրքերը

Տարածաշրջան07:42, 28 Հունիս 2017

Թուրքիան հրետանակոծել է Սիրիայի քրդական ուժերի դիրքերը

Թուրքիայի զինված ուժերը (ԶՈւ) «Fırtına» տեսակի հաուբից հրանոթներից հարվածել են Սիրիայի հյուսիսարևմտյան Աֆրին շրջանում գտնվող Սիրիայի քրդական ուժերին:

Աֆրինն այժմ գտնվում է Սիրիայի քրդական «Ժողովրդական ինքնապաշտպանական ջոկատների» (ԺԻՋ-YPG) վերահսկողության տակ:

Ըստ թուրքական «Haberler» լրատվամիջոցի՝ 1 ժամվա ընթացքում Թուրքիայի հաուբիցները 20 անգամ հարվածել են քրդական ուժերի ուղղությամբ:

Լրատվամիջոցը, հղում անելով «Սիրիայի Ազատ բանակ» (Սիրիայի ընդդիմադիր ուժեր) խմբավորման աղբյուրներին, նշում է նաև, որ Թուրքիան արագ տեմպերով շարունակում է զինտեխնիկա կուտակել Սիրիայի հետ սահմանին:

Թուրքական ռազմական աղբյուրներն էլ պնդում են, որ իրենք դիմել են նման գործողությունների, երբ քրդական ուժերը Թուրքիայի սահմանի ուղղությամբ կրակ են բացել:

Աղբյուրը շեշտում է, որ նման գործողություններով Թուրքիայի զինուժը ազդակ է տալիս Սիրիայում նոր ռազմական գործողություններ սկսելու մասին:

Թուրքիայի զինուժի գործողություններին արձագանքել է նաև քրդական ԺԻՋ-ի քաղաքական թև հանդիսացող «Ժողովրդավարական միություն կուսակցության» (ԺՄԿ-PYD) ղեկավար Սալիհ Մուսլիմը: Ըստ նրա՝ Թուրքիայի ագրեսիայից պաշտպանվելու համար անհրաժեշտ է, որ ռուսական զորքերը տեղակայվեն Աֆրինում:

«Ամեն օր Աֆրինը հրետակոծվում է: Անհրաժեշտ է, որ Ռուսաստանը այստեղ ռազմաբազա հիմնի և համագործակցի մեզ հետ»,- նկատել է Մուսլիմը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։