Թուրքիայում վերջին տարիներին աճել է օտարազգիների հետ ամուսնությունների թիվը

Հասարակական06:57, 21 Հունիս 2017

Թուրքիայում վերջին տարիներին աճել է օտարազգիների հետ ամուսնությունների թիվը

Թուրքիայում վերջին տարիներին նկատելիորեն ավելացել են օտարազգիների հետ ամուսնությունները: Թեմային անդրադարձած թուրքական «TGRT Haber» լրատվակայքը նշում է, որ խառնամուսնությունների մեջ հատկապես շատ են Թուրքիայի հարևան երկրների քաղաքացի կանանց և տեղացի տղամարդկանց միությունները:

Այդ երկրների թվում են Թուրքիային աշխարհագրական առումով մոտ Վրաստանը, Սիրիան, Իրաքը, Հայաստանը, Ռուսաստանը, Ադրբեջանը, Հունաստանը, Բուլղարիան: Աղբյուրի պնդմամբ՝ նշված երկրները հատկապես 2000-ական թվականներին լուրջ տնտեսական խնդիրներ ունեն և չեն կարողանում հաղթահարել երկրի ներսում տնտեսական խորընդոտները, իսկ Թուրքիան նույն ժամանակահատվածում ավելի բարվոք տնտեսական դրություն է կարողացել ապահովել:

Թուրքական թերթի համաձայն՝ հենց տնտեսական պայմաններն ու բարեկեցիկ կյանքի հնարավորությունն է ստիպում օտարազգի կանանց մեծ մասին՝ ամուսնանալու միջոցով բնակություն հաստատել Թուրքիայում: Աղբյուրը մեջբերում է «İmge Tercüme» թարարգմանչական ընկերության տվյալները, ըստ որի, վերջին 4 տարում ամուսնացող խառը զույգերի շուրջ 50 տոկոսը Թուրքիան ընտրելու պատճառների մեջ որպես առաջնային գործոն նշել է հենց բարեկեցիկ կյանքի հնարավորությունը, տնտեսական ապահովվածությունը:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։