Համալսարանը թուրք հայտնի նախկին ֆուտբոլիստին զրկել է պատվավոր դոկտորի կոչումից

Քաղաքական10:13, 21 Հունիս 2017

Համալսարանը թուրք հայտնի նախկին ֆուտբոլիստին զրկել է պատվավոր դոկտորի կոչումից

Թուրքական «Մարտի 18» համալսարանի հանձնաժողովը Թուրքիայի հավաքականի նախկին հայտնի ֆուտբոլիստ և իշխող «Արդարություն և զարգացում» (ԱԶԿ- AKP) կուսակցության երբեմնի պատգամավոր Հաքան Շուքուրից ետ է վերցրել 2012թ. շնորհված պատվավոր դոկտորի կոչումը:

Ըստ «Sputniknews» լրատվամիջոցի թուրքական ծառայության՝ որպես պատճառ նշվել է, որ Շյուքյուրը կապ է ունեցել գյուլենական համայնքի հետ, որը Թուրքիայում համարվում է ահաբեկչական կազմակերպություն:

Իսկ վերջինիս առաջնորդ իսլամի քարոզիչ, ամերիկաբնակ միլիարդատեր Ֆեթթուլահ Գյուլենը թուրքական իշխանությունների կողմից մեղադրվում է Թուրքիայի 2016թ. ռազմական հեղաշրջման փորձը նախաձեռնելու մեջ:

Աղբյուրը նշում է, որ Հաքան Շյուքյուրը պատվավոր դոկտորի կոչում է ստացել այն ժամանակ, երբ վերոհիշյալ համալսարանի ռեկտորի պաշտոնը զբաղեցնում էր թուրք հայտնի քաղաքագետ, դասախոս, միջազգային հարաբերությունների մասնագետ Սեդաթ Լաչինլերը:

Վերջինս 2016թ. Թուրքիայում նոր թափ առած գյուլենականների դեմ իրականացվող հետաքննության ժամանակ ձերբակալվել էր և հեռացվել զբաղեցրած պաշտոնից:

Աղբյուր` Ermenihaber.am

Այս ենթաբաժնի վերջին նորությունները

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ:

12:39, 15 մայ

Ռուտտեն անդրադարձել է ռուս-ուկրաինական բանակցություններում Թուրքիայի դերին

Դաշինքի գլխավոր քարտուղարն Անթալիայում մեկնարկած ՆԱՏՕ անդամ երկրների արտգործնախարարների ոչ պաշտոնական հավաքի 2-րդ օրը հանդես է եկել մամուլի ասուլիսով: