Էրդողանը հյուրասիրել է հեղաշրջման փորձի օրը պետական կառույցները բեռնատարներով պաշտպանած վարորդներին

Տարածաշրջան07:15, 21 Հունիս 2017

Էրդողանը հյուրասիրել է հեղաշրջման փորձի օրը պետական կառույցները բեռնատարներով պաշտպանած վարորդներին

Հունիսի 20-ի երեկոյան նախագահական պալատում Էրդողանը ռամազանի ավանդական հյուրասիրության՝ իֆթարի ժամանակ տարբեր մասնագիտությունների տեր քաղաքացիների շարքում հյուրընկալել է նաև նախորդ տարվա ռազմական հեղաշրջման փորձի օրը պետական կառույցները բեռնատարներով պաշտպանած վարորդներին:

Թուրքական «Anadolu» պետական լրատվական գործակալությունը լուսանկար է տարածել, որում երևում է, որ բեռնատարների վարորդները նախագահական պալատի դիմաց իրենց մեքենաները կանգնեցրել են նույն կերպ, ինչպես որ հեղաշրջման օրն էին կանգնեցրել Ստամբուլի ու Անկարայի պետական շենքերի դիմաց:

«Milliyet» թերթի կայքն էլ ուշադրություն է հրավիրել լուսանկարի վրա՝ գրելով, որ այն հիշեցնում է 1 տարի առաջ Թուրքիայում տեղի ունեցած դեպքերը:

Հիշեցնենք, որ 2016-ի հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ է կատարվել, որը, սակայն, հուլիսի 16-ի դրությամբ արդեն լիովին ճնշվել է: Օդուժի հարվածներով սկսված հեղաշրջման փորձի հետևանքով, ըստ պաշտոնական տվյալների, եղել է 161 զոհ և 1.440 վիրավոր:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։