Տնտեսական13:47, 15 Հունիս 2017
2016թ. Թուրքիայում արտաքին անմիջական ներդրումները նվազել են 31 տոկոսով
Թուրքիայում օտարերկրյա ներդրումների ծավալը նկատելիորեն նվազել է: Այս մասին տեղեկացնում է «Deusche Welle»-ի թուրքական ծառայությունը:
Այս մասին հայտնի է դարձել ՄԱԿ-ի առևտրի և զարգացման համաժողովի (UNCTAD) կողմից օրեր առաջ հրապարակված «Ներդրումների համաշխարհային զեկույցից»: Մյուս կողմից, անցյալ տարի Թուրքիային բաժին է հասել համաշխարհային մակարդակով կատարվող անմիջական ներդրումների միայն 2.3 տոկոսը՝ նախկին 1.9 տոկոսի փոխարեն: Մասնագետների պնդմամբ՝ արտաքին ներդրողները Թուրքիայից հեռանում են նույն արագությամբ, ինչ արագությամբ որ Թուրքիան է հեռանում Եվրամիության արժեքներից:
Զեկույցի համաձայն՝ 2016թ. ողջ աշխարհում արտաքին անմիջական ներդրումները նվազել են 2 տոկոսով՝ հասնելով 1 տրիլիոն 746 միլիարդ դոլարի: Միևնույն ժամանակ 14 տոկոսով նվազել է նաև զարգացող երկրներում (որոնց թվին է պատկանում նաև Թուրքիան) կատարված արտասահմանյան ներդրումների ծավալը՝ կազմելով 646 միլիարդ դոլար: Իսկ միայն Թուրքիայում արտաքին ներդրումները 2016թ. նվազել են 31 տոկոսով՝ հասնելով 11.9 միլիարդ դոլարի: Սա 2010թ. հետո այս երկրում կատարված ներդրումների ամենացածր ցուցանիշն է:
Մասնագետների կարծիքով՝ Թուրքիայում արտաքին ներդրումների ծավալի նման անկումը պայմանավորված է վերջին տարիների ընթացքում պարբերական դարձած ահաբեկչություններով, հուլիսի 15-ի ձախողված հեղաշրջմամբ ևև դրանից հետո հայտարարված արտակարգ դրության ռեժիմով:
Այս ենթաբաժնի վերջին նորությունները
Թուրքիայում ամենաշատ ներդրումներ կատարած երկրների ցանկում Ղազախստանը զբաղեցրել է առաջին տեղը, Նիդեռլանդները՝ երկրորդ, իսկ ԱՄՆ-ն՝ երրորդ։
Ռուսաստանի արտակարգ իրավիճակների նախարարի խոսքով՝ դրանց նպատակն է նպաստել ատոմակայանի աշխատակիցների և տեղի բնակչության անվտանգությանը:
Թուրքիայի «Արտաքին տնտեսական հարաբերությունների կազմակերպության» նախագահ Նայիլ Օլփաքը կազմակերպության գլխավոր կենտրոնում պատասխանել է լրագրողների հարցերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Նա հայտարարել է, որ խոստումների իրականացմանը հետևելու է թուրքական Ազգային հետախուզական ծառայությունը:
Հայտնի են խաղաղության շուրջ մայիսի 15-ին կայանալիք ռուս-ուկրաինական բանակցությունների կազմերը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |