Համաշխարհային բանկը 2017-ին Թուրքիայում 3.5 տոկոս տնտեսական աճ է կանխատեսում

Տնտեսական10:08, 05 Հունիս 2017

Համաշխարհային բանկը 2017-ին Թուրքիայում 3.5 տոկոս տնտեսական աճ է կանխատեսում

Համաշխարհային բանկը հրապարակել է «Համաշխարհային տնտեսության կանխատեսումներ» զեկույցը, որում փոխել է 2017, 2018 և 2019 թվականներին Թուրքիայի տնտեսական աճի կանխատեսումները:

Ըստ Համաշխարհային բանկի զեկույցի՝ 2017-ին Թուրքիայում սպասվում է 3.5 տոկոս, 2018-ին՝ 3.9 տոկոս, և 2019-ին՝ 4.1 տոկոս տնտեսական աճ: Բանկը հունվարին հարապարակված մեկ այլ զեկույցում 2017-ի համար Թուրքիայում կանխատեսել էր 3 տոկոս տնտեսական աճ, 2018-ին՝ 3.5 տոկոս, իսկ 2019-ին՝ 3.7 տոկոս:

Թուրքական իշխանամետ «Sabah» թերթը գրում է, որ Համաշխարհային բանկը տնտեսական աճի ցուցանիշները վերանայել է՝ հաշվի առնելով Թուրքիայում տնտեսական աճի կանխատեսումները, նախորդ տարի ռազմական հեղաշրջման անհաջող փորձից հետո տնտեսության վերականգնման տեմպերը, որոնք սպասվածից ավելի արագ էին:

Նշվում է, որ զեկույցում ամենաշատը բարձրացվել են Թուրքիայի տնտեսական աճի ցուցանիշները:

«Սպասվում է, որ Թուրքիայում տնտեսական աճը կհասնի մինչև 4 տոկոսի՝ պայմանավորված քաղաքական անորոշության նվազմամբ, զբոսաշրջության ոլորտի բարելավմամբ»,-նշված է զեկույցում:

Աղբյուր` Ermenihaber.am

Այս ենթաբաժնի վերջին նորությունները

16:15, 14 մայ

ՌԴ-ն առաջարկել է Աքքույու ատոմակայանում ռուս-թուրքական վարժանքներ անցկացնել

Ռուսաստանի արտակարգ իրավիճակների նախարարի խոսքով՝ դրանց նպատակն է նպաստել ատոմակայանի աշխատակիցների և տեղի բնակչության անվտանգությանը:

11:13, 14 մայ

Թուրքիա-ԵՄ առևտրաշրջանառությունը հասել է 327 մլրդ դոլարի

Թուրքիայի «Արտաքին տնտեսական հարաբերությունների կազմակերպության» նախագահ Նայիլ Օլփաքը կազմակերպության գլխավոր կենտրոնում պատասխանել է լրագրողների հարցերին: