Թուրքիան ԱՄՆ-ին կրկին կոչ է անում հրաժարվել Սիրիայի քրդերին զինելուց

Տարածաշրջան12:29, 31 Մայիս 2017

Թուրքիան ԱՄՆ-ին կրկին կոչ է անում հրաժարվել Սիրիայի քրդերին զինելուց

Թուրքիայի արտգործնախարար Մևլութ Չավուշօղլուն ԱՄՆ-ին կոչ է արել որքան հնարավոր է շուտ ետ կանգնել Սիրիայի քրդական «Ժողովրդական ինքնապաշտպանության ջոկատներին» (YPG) զինելու գաղափարից: Թուրքական «Haber7»-ի հաղորդմամբ՝ նա այդ մասին ասել է մամուլի ասուլիսի ժամանակ:

«YPG –ի հարցում մեր դիրքորոշումը պարզ է: Վաշինգտոն կատարած այցի ժամանակ Թուրքիայի նախագահը մեր մտահոգությունները պարզորոշ ներկայացրեց: Ընդգծեցինք, որ Սիրիայի ապագայի համար որքան վտանգավոր է YPG-ին զենք տրամադրելը: Ներկայացրեցինք, թե ինչպիսի փակուղի իրավիճակ է ստեղծում, երբ մի ահաբեկչական կազմակերպության դեմ պայքարում համագործակցում ես YPG-ի նման կառույցի հետ: Եվրոպայում մի շարք երկրներն էլ այդ հարցում մտահոգություն ունեն: Եթե Սիրիայում ցանկանում են գտնել կայունություն, անհրաժեշտ է ետ կանգնել այդ սխալից »,-ասել է Չավուշօղլուն:

Վերջինս ի դեպ հաստատել է այն լուրը, որ Աֆղանստանի մայրաքաղաք Քաբուլում տեղի ունեցած պայթյունի ժամանակ վնաս է հասցվել տեղի Թուրքիայի դեսպանատանը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։