Տարածաշրջան08:13, 30 Մայիս 2017
Թեհրանը PJAK-ի հարձակման թեմայով Թուրքիայից պատասխան է սպասում
Իրանը «Քուրդիստանի ազատ կյանք» (PJAK) քրդական կուսակցության ուժերի հարձակման առիթով դիվանագիտական խողովակներով մտահոգություն է հղել թուրքական կողմին:
Ըստ թուրքական «Hurriyet» թերթի կայքի՝ Իրանի արտաքին գործերի նախարարության խոսնակ Բեհրամ Քասըմին լրագրողների հետ հանդիպման ժամանակ հայտարարել է, որ իրենք սպասում են թուրքական կողմի պատասխանին:
«Դիվանագիտական խողովակներով դիմել ենք թուրքական պետությանը: Սպասում ենք Անկարայի պատասխանին: Խնդիրը ուշադրության կենտրոնում ենք պահում: Մենք չենք ցանկանում, որ Թուրքիայի հետ սահմանին կրկին նմանատիպ ցավալի իրադարձություններ տեղի ունենան»:
Քասըմին հերքել է նաև այն լուրերը, թե «Քուրդիստանի բանվորական կուսակցությունը» (ՔԲԿ-PKK) հենակետեր ունի Իրանի հյուսարևելյան հատվածներում՝ Թուրքիայի հարևանությամբ:
«Մեր հողերի վրա Թուրքիայի դեմ գործող որևէ ահաբեկչական կազմակերպություն չկա: Այդ լուրերը կեղծ են և Իրանի վերաբերյալ վատ ընկալում ստեղծելու նպատակ ունեն»:
Հիշեցնենք, որ մայիսի 28-ին երեկոյան Իրանի Իսլամական Հանրապետության (ԻԻՀ) տարածքում գործունեություն ծավալող «Քուրդիստանի ազատ կյանք» (PJAK) քրդական կուսակցության ուժերի և իրանցի զինվորների միջև բախում է տեղի ունեցել, ինչի հետևանքով սպանվել է երկու իրանցի զինվոր, 7 հոգի էլ վիրավորվել է:
Բախման վայրը մոտ է եղել Թուրքիայի սահմանամերձ հարավարևելյան Հաքքարի նահանգին:
Միջադեպի վերաբերյալ խոսել էր Իրանի ոստիկանական ուժերի սահմանապահ ծառայության հրամանատար գեներալ Քասըմ Ռըզային՝ տեղի ունեցածի մեջ մեղադրելով Թուրքիային:
Ավելացնենք, որ PJAK-ը Իրանում հանդիսանում է «Քուրդիստանի բանվորական կուսակցության» (ՔԲԿ-PKK) թևը:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշվում է, որ համագործակցության շրջանակում այց է կատարվել Ադրբեջանի ռազմածովային ուժերին պատկանող ուսումնական կենտրոններ ու նավաշինարաններ։
Թուրքիայի նախագահը հեռախոսազրույց է ունեցել Պակիստանի վարչապետի հետ։
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։
Նրան X-ում հետևում է շուրջ 10 մլն մարդ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |