Տարածաշրջան10:45, 22 Մայիս 2017
Վրաստանի պաշտպանության նախարար. «Թուրքիան Վրաստանի ռազմավարական գործընկերն է և բարեկամը»
Վրաստանի պաշտպանության նախարար Լևան Իզորիան հայտարարել է, որ Թուրքիայի հետ սահմանակից լինելը մեծ նշանակություն ունի Վրաստանի համար առաջին հերթին անվտանգության առումով: Ըստ թուրքական «Anadolu» լրատվական գործակալության՝ այդ մասին նա ասել է մայիսի 23-ին Բաթումիում Թուրքիա-Վրաստան-Ադրբեջան կայանալիք եռակողմ գագաթնաժողովին ընդառաջ:
Իզորիան Թուրքիայի նշանակությունը Վրաստանի համար բացատրել է այն հանգամանքով, որ Թուրքիան նախ հանդիսանում է Հյուսիսատլանտյան դաշինքի (ՆԱՏՕ) անդամ, ինչպես նաև նպաստում է Վրաստանի անդամակցությանը ՆԱՏՕ-ին:
«Թուրքիան Վրաստանի ռազմավարական գործընկերն է և բարեկամը: Ինձ ուրախացնում է այն, որ Վրաստանը տարածաշրջանում ունի նման գործընկեր: Համոզված եմ, որ մեր հարաբերությունները էլ ավելի կզարգացնենք հանուն մեր երկրների ապագայի: Թուրքիայի, Վրաստանի և Ադրբեջանի եռակողմ համագործակցության պատճառներից մեկն այն է, որ երեք երկրներն էլ լավ հարաբերությունների մեջ են»,- նշել է Իզորիան:
Վերջինս նաև ընդգծել է, որ երեք երկրներն էլ համագործակցում են ռազմակրթական, համատեղ և առանձին զորավարժությունների հնարավորությունները ընդլայնելու, ինչպես նաև կիբերանվտանգության հարցերում:
Նշվել է, որ երեք երկրները մասնակցելու են 2017թ. հունիսի 4-14 Վրաստանում կայանալիք «Կովկասյան արծիվներ» զորավարժությանը, որին կմասնակցեն հատուկջոկատայիններ: Նշյալ զորավարժության ժամանակ կուսումնասիրվի նաև գազատարների անվտանգության ապահովման հարցը:
Իզորիան մեծապես կարևորել է նաև Թուրքիայի կողմից ամեն տարի Վրաստանին ցուցաբերվող լոգիստիկ և տեխնիկական աջակցությունը:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Առցանց տիրույթում աշխատող ColendiBank-ի գործունեությունը մեկնարկել է մայիսի 5-ից:
Թուրքիայի առևտրի նախարարը Լոնդոն կատարած այցի շրջանակում հանդիպել է ՄԹ առևտրի նախարարի հետ։
Թուրքիայի նախագահը հեռախոսազրույց է ունեցել Պակիստանի վարչապետի հետ։
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
Թուրքիայի Ռիզե նահանգի փոխնահանգապետն ընդունել է Բաթումիում Թուրքիայի գլխավոր հյուպատոսի և Աջարիայի առևտրաարդյունաբերական պալատի նախագահի պատվիրակությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |